05.04.2026 | 15:19
Վթարային ջրանջատում Երևանում և Արմավիրում
ԱԺ նախագահը ստորագրել է Սահմանադրական դատարանի մասին օրենքը
Քաղաքականություն
22.07.2020 | 10:02
ԱԺ նախագահ Արարատ Միրզոյանը ստորագրել է «Սահմանադրական դատարանի մասին» օրենքում փոփոխություններ և լրացումներ կատարելու մասին օրենքը։ Այս մասին նա տեղեկացրել է ֆեյսբուքյան գրառմամբ։
«Քիչ առաջ ստորագրեցի հունիսի 30-ին ԱԺ կողմից ընդունված «Սահմանադրական դատարանի մասին» օրենքում փոփոխություններ և լրացումներ կատարելու մասին օրենքը։
Այժմ օրենքը պետք է հրապարակվի պաշտոնական տեղեկագրում և այդ պահից այն կմտնի ուժի մեջ»,- գրել է նա։
Հիշեցնենք, որ երեկ լրացավ հանրապետության նախագահին օրենքով սահմանված կարգով հատկացված 21-օրյա ժամկետը, որի ընթացքում նա կարող էր կա՛մ ստորագրել օրենքը, կա՛մ ՍԴ դիմել։
