08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Նոր ձերբակալություններ Ադրբեջանի ԱԳՆ-ում․ Էլմար Մամեդյարովը չի մեկնաբանում իր հրաժարականի մասին լուրերը
Քաղաքականություն
10.07.2020 | 19:15
Ադրբեջանի ԱԳՆ-ում շարունակվում են բարձրաստիճան պաշտոնյաների ձերբակալությունները։ Հուլիսի 9-ին ու 10-ին կալանավորվել են ԱԳՆ Հյուպատոսական բաժնի ղեկավար Ֆայիկ Բաղիրովը և նույն բաժնի աշխատակից Իլգար Ալիևը։ Ադրբեջանական լրատվամիջոցների հաղորդմամբ՝ Բաղիրովն ու Ալիևը ձերբակալվել են ԱԳՆ ավելի վաղ ձերբակալված պաշտոնյաների ցուցմունքների հիման վրա։
Հիշեցնենք, որ Ադրբեջանի Պետական անվտանգության ծառայությունը հուլիսի 3-ին ԱԳՆ-ում հատուկ գործողություն էր իրականացրել։ Արդյունքում ձերբակալվել էին մի շարք պաշտոնյաներ՝ պաշտոնական դիրքի չարաշահման, կաշառք ստանալու և այլ անօրինական գործողություններ կատարելու համար։
Ադրբեջանի արտաքին գործերի նախարար Էլմար Մամեդյարովը Unikal.org լրատվական կայքի հետ զրույցում անդրադարձել է ԱԳՆ պաշտոնյաների ձերբակալություններին։
«Ես չեմ ուզում այդ մասին խոսել։ Գոյություն ունի նախաքննական գաղտնիք, և իմ որևէ հայտարություն կարող է ազդել ելքի վրա։ Ինչ վերաբերում է ձերբակալություններին, ապա ես ցավում եմ։ Իսկ իմ հրաժարակամի մասին խոսակցությունները մտադիր չեմ մեկնաբանել»,- ասել է Մամեդյարովը։
Նշենք, որ վերջին շրջանում Ադրբեջանի արտգործնախարար Էլմար Մամեդյարովի դեմ սկսվել է տեղեկատվական արշավ, քաղաքական, հասարակական շրջանակներում առկա է որոշակի դժգոհություն նրա գործողություններից։ Չեն դադարում խոսակցությունները, որ Մամեդյարովը հրաժարական է տալու, որի պատճառներին ավելի վաղ արդեն անդրադարձել ենք։
Էմմա Չոբանյան
Թեմայի առնչությամբ կարդացեք նաև՝
Հաջորդը Զաքիր Հասանո՞վն է․ Ալիևի հրամանով աշխատանքից ազատվել է Ադրբեջանի Պաշտպանության փոխնախարարը
