15.12.2025 | 09:31
Երևանի քաղաքապետարանի գործակարգավարական նիստը. ՈՒՂԻՂ
«Ռոսավիացիա»-ն մինչև օգոստոսի 1-ը երկարաձգել է ՌԴ օտարերկրացիների մուտքի արգելքը
Քաղաքականություն
02.07.2020 | 20:57
Ռուսաստանի Օդային տրանսպորտի դաշնային գործակալությունը («Ռոսավիացիա») մինչև հուլիսի 31-ը ներառյալ երկարաձգել է ՌԴ օտարերկրյա քաղաքացիների մուտքի արգելքը։ Այս մասին գրում է ՌԻԱ Նովոստին։
Մարտի վերջից յուրաքանչյուր ամիս նման հայտարարություն է արվում։ Գարնանը ՌԴ կառավարությունը կորոնավիրուսի համաճարակի պատճառով դադարեցրեց միջազգային կանոնավոր և չարթերային չվերթները, ինչը նշանակում է ոչ միայն մուտքի, այլև ելքի արգելք։
Բացառություն են կազմում ՌԴ քաղաքացիներին հայրենիք վերադարձնելու համար իրականացվող չվերթները, բեռնափոխադրող, փոստային, սանիտարական և մարդասիրական, ինչպես նաև կառավարության որոշմամբ՝ առանձին թռիչքները։
Աղբյուրի փոխանցմամբ՝ միջազգային հաղորդակցությունը վերականգնելու մասին որոշում կայացնելու դեպքում «Ռոսավիացիա»-ն հաղորդագրություն կտարածի։
Հունիսին «Ռոսավիացիա»-ի ղեկավար Ալեքսանդր Ներադկոն կառավարությանը միջազգային չվերթները վերականգնելու առաջարկ էր ներկայացրել՝ նշելով, որ կարելի է նախ սկսել ԱՊՀ պետությունների հետ ավիահաղորդակցությունից, այնուհետև ցանկում ներառել այլ երկրներ՝ կախված դրանց համաճարակային իրավիճակից։ Այս նախաձեռնությունն առայժմ հավանության չի արժանացել։
Ավելի վաղ էլ տրանսպորտի նախարար Եվգենի Դիտրիխը նշել էր, որ նախ հարկավոր է վստահ լինել, որ ներքին ուղևորափոխադրումներն անվտանգ են, նոր միայն բացել երկրի սահմանները։
