06.12.2025 | 23:56
Կապարակնքել են Գյումրիի Յոթ Վերք եկեղեցու դռները` Փաշինյանի այցից առաջ
Բրյուսելում Րաֆֆի Հովհաննիսյանի ելույթը տարբերվել է նախորդներից, անգամ «բադասխան» չի պահանջել ՀՀ իշխանությունից.«Հրապարակ»
25.11.2017 | 09:44
«Հրապարակ» թերթը գրում է.
«Նոյեմբերի 23-ին Բրյուսելում ԵԺԿ գագաթնաժողովին «Ժառանգության» լիդեր Րաֆֆի Հովհաննիսյանի ելույթը տարբերվել է նրա նախորդ ելույթներից: Նա այս ամբիոնից մշտապես խիստ քննադատական ելույթներ է ունենում, սակայն այս անգամ «բադասխան» չի պահանջել ո՛չ ՀՀ իշխանությունից, ո՛չ էլ նրանց իր գիրկը տանող «Յուրոփից»:
«Նրա ելույթը բավականաչափ կոռեկտ, երկրի համար այդ կարևոր օրվա պատմականության գնահատականով և կոնսոլիդացված էր»,- ասացին ունկնդիրները:
Ջերմ ու կոռեկտ է եղել նաև ՀՀ բոլոր ներկայացուցիչների` միմյանց հետ բարև-բարլուսը: Ինչպես նաև Բրյուսելում հայաստանյան և ադրբեջանական պատվիրակությունների բարև-բարլուսը. նրանք հանգրվանել են նույն հյուրանոցում:
Եվրոպական հանձնաժողովի նախագահ Ժան-Կլոդ Յունկերի, ԵԽ նախագահ Դոնալդ Տուսկի և Սերժ Սարգսյանի շփումներն էլ են ջերմ եղել, ինչի առթիվ բրյուսելցի մեր հայրենակիցն ասաց. «Ռուսաստանի աչքից հեռու»:
Առավել մանրամասն՝ թերթի այսօրվա համարում:
