14.11.2024 | 23:29
ՀՀ էկոնոմիկայի փոխնախարարի գլխավորած պատվիրակությունն այցելել է Չաբահար նավահանգիստ
ՀՀ-ԵՄ համաձայնագիրը ստորագրվեց, և Հայրիկյանը կկատարի իր խոստումը՝ 6 ամիս լրագրողների հետ չի շփվի. «Ժողովուրդ»
25.11.2017 | 09:00
«Ժողովուրդ» թերթը գրում է.
«ԱԻՄ նախագահ Պարույր Հայրիկյանը երեկ ՀՀ ԿԸՀ շենքի առջև շարունակել է իր բողոքի ակցիան: Նա ԿԸՀ-ից պահանջում է իրեն ձևաթուղթ տրամադրել, որ կարողանա սահմանադրական փոփոխություններ նախաձեռնելու ստորագրահավաք սկսել: ԿԸՀ-ն հրաժարվում է նրա պահանջը կատարել, քանի որ Սահմանադրության համապատասխան դրույթը ուժի մեջ է մտնելու եկող տարվա ապրիլի 9-ից հետո:
Ինչևէ, ԱԻՄ նախագահը երեկ լրագրողների հետ զրույցում ասել էր, որ եթե ԵՄ-Հայաստան համաձայնագիրը ստորագրվի, ինչին չի հավատում, ապա ինքն իրեն կպատժի և 6 ամիս լրագրողների հետ չի շփվի:
Երեկ՝ համաձայնագրի ստորագրումից հետո, «Ժողովուրդ» օրաթերթը Հայրիկյանից հետաքրքրվեց, թե արդյոք պատժի խոստումն ուժի մե՞ջ է: «Քանի որ խոստացել եմ, ցավոք, պետք է կատարեմ: Այդ խոստումը ես նախկինում էլ էի հնչեցրել, և դա վերաբերում էր ասոցացման համաձայնագրին: Այս համաձայնագիրը ասոցացմանից տարբերվում է, բայց, դե, մանրուքների մեջ չեմ խորանում: Ու այսօրվա (երեկվա) ասուլիսն առաջիկա վեց ամիսների իմ վերջին շփումը կլինի լրագրողների հետ»,- պատասխանեց Հայրիկյանը»:
Առավել մանրամասն՝ թերթի այսօրվա համարում:
