10.09.2026 | 13:18
Ջերմաստիճանը կբարձրանա․ բարձր կարգի հրդեհավտանգ իրավիճակ է սպասվում
Քայլ առ քայլ վերամիավորում ենք Եվրոպան, այսօր էլ համաձայնագիր ենք ստորագրում Հայաստանի հետ. Դոնալդ Տուսկ
Քաղաքականություն
24.11.2017 | 19:21
Մենք քայլ առ քայլ վերամիավորում ենք Եվրոպան: Արևելյան գործընկերության 5-րդ գագաթնաժողովից հետո տեղի ունեցած մամուլի ասուլիսի ընթացքում հայտարարեց Եվրոպական խորհրդի նախագահ Դոնալդ Տուսկը:
«Պրահայում, երբ սկսեցինք այս նախաձեռնությունը, ես նախաձեռնողներից մեկն էի: Պատճառը մեկն էր՝ մենք ուզում էին, մեր հարևաններն ավելի մոտ լինեն Եվրամիությանը: Դա ելնում էր մեր ռազմավարական նպատակներից, ունեցել ենք նաև քաղաքական և տնտեսական ամբիցիաներ: Այսօր կարող ենք հպարտանալ մեր նվաճումներով: Մենք արդեն ասոցացման պայմանագրեր ունենք Վրաստանի, Ուկրաինայի և Մոլդովայի հետ: Այսօր մենք Համապարփակ և ընդլայնված գործընկերության համաձայնագիր ենք ստորագրում Հայաստանի հետ, Ադրբեջանի հետ բանակցություններն ընթացքի մեջ են: Նաև հարաբերություններ ենք մշակում Բելառուսի հետ»,- նշեց եվրոպացի պաշտոնյան:
Ինչ վերաբերում է ապագային, ապա Դոնալդ Տուսկի փոխանցմամբ՝ քաղաքական, տնտեսական նպատակների շուրջ եկել են համաձայնության, որոնց կցանկանան հասնել մինչև 2020 թվականը:
ԵԽ նախագահն անդրադարձավ նաև սառեցված կոնֆլիկտներին՝ ընդգծելով՝ դրանք շարունակում են խնդիր հանդիսանալ. «Երեկ 5 ուկրաինացի զինվորների մահը ուղղակի վերջին նշանն էր Ռուսաստանի ագրեսիայի: Եվրամիությունը երբեք չի ճանաչի Ղրիմի ապօրինի անեքսիան»:
Եզրափակելով խոսքը՝ ԵԽ նախագահը վստահեցրեց՝ Եվրամիությունը պատրաստ է շարունակել աջակցությունը գործընկեր երկներին՝ տարածքային ամբողջականության, անկախության և սուվերենության հարցում:
