01.07.2026 | 21:13
Վարչական դատարանը բավարարել է Մայր Աթոռի հայցն ընդդեմ ոստիկանության
Յուրի Խաչատուրովի պաշտպանը կոնտակտավոր է, թեստ է հանձնել. ՏԵՍԱՆՅՈՒԹ
Հասարակություն
30.06.2020 | 13:23
ՀՀ երկրորդ նախագահ, Մատի 1-ի գործով ամբաստանյալ Ռոբերտ Քոչարյանի և մյուսների գործով դատական նիստի մեկնարկին Յուրի Խաչատուրովի պաշտպան Միհրան Պողոսյանը հայտարարեց, որ հնարավոր է ինքը կորոնավիրուսով է վարակված․ «Այն անձի մոտ, ում հետ ես շփվել եմ, երեկ է հաստատվել թեստի պատասխանը: Այն կենտրոնում, որտեղ թեստ եմ հանձնել, ասել են՝ միգուցե շուտ եք հանձնել թեստը, լավ կլինի 7 օր հետո էլի կրկնեք, հիմա դատարան մտնելուց ջերմաչափվեցի 36,9 էր: Այս ամեն ինչը ներկայացնում եմ, որ քննարկվի, հնարավոր համարո՞ւմ եք, որ մասնակցեմ նիստին»,- ասաց նա:
Պողոսյանն ասաց, որ ուրբաթ, շաբաթ, երկուշաբթի շփվել է վարակակրի հետ և միայն երեկ է պարզվել, նրա թեստի պատասխանը։ Խաչատուրովի պաշտպանը նախորդ դատական նիստին էլ չէր եկել, կրկին վարակի հետ կապված, այդ անգամ սակայն նրա թեստի պատասխանը բացասական էր եղել, ինչից հետո սակայն կրկին կոնտակտավոր է։
Լիլիթ Շաբոյան
