20.05.2026 | 09:29
ՀՀ տարածքում ավտոճանապարհները հիմնականում անցանելի են
Ձեր պաշտոնավարման ընթացքում ընտրություններ կեղծվե՞լ են, թե՞ ոչ․ Բաբաջանյանը՝ Մուկուչյանին. ՏԵՍԱՆՅՈՒԹ
Քաղաքականություն
25.06.2020 | 16:29
ԱԺ արտահերթ նիստի ընթացքում Կենտրոնական ընտրական հանձնաժողովի նախագահ Տիգրան Մուկուչյանը ներկայացրեց ԿԸՀ 2019 թվականի բյուջեի կատարողականի հաշվետվությունը։
Անկախ պատգամավոր Արման Բաբաջանյանը հարց ուղղեց ԿԸՀ նախագահին․ «Ձեր պաշտոնավարման ընթացքում ընտրություններ կեղծվե՞լ են, թե՞ ոչ մինչև 2018 թվականը»:
«Ես դատողություններ կարող եմ անել՝ կապված ԿԸՀ-ի հետ, որովհետև ԿԸՀ-ն որոշակի ընթացակարգի հիմքով իրականացնում է քվեարկության արդյունքների հրապարակում։ Եվ այդ պարագայում, երբ մենք խոսում են կեղծիքի մասին, կեղծիքը, ես կարծում եմ, կարող է վերաբերել միայն այն հանգամանքին, երբ տեղամասում ձևավորվում է քվեարկության այլ պատկեր, հետագայում գալիս է հանձնաժողով և փոխվում են տվյալները, այն տվյալները, որոնք արձանագրված են տեղամասային ընտրական հանձնաժողովների արձանագրություններում։ Թերևս, այս ամբողջ ժամանակահատվածում համապետական ընտրությունների ժամանակ միայն տեղամասային ընտրական հանձնաժողովներին տրամադրվել է մոտ 60 հազար քաղվածք»,- մասնավորապես նշեց Տիգրան Մուկուչյանը։
Մանրամասները՝ տեսանյութում։
