Երևանի քաղաքապետ Հայկ Մարությանը հունիսի 24-ին Երևանի ավագանու նիստի ժամանակ կարգադրեց անջատել «Լույս» խմբակցության անդամ Թեհմինա Վարդանյանի բարձրախոսը՝ դիմակով ելույթ ունենալուց հրաժարվելու պատճառով:
Ելույթի սկզբում քաղաքապետը, դիմելով նրան, ասաց. «Տիկի՛ն Վարդանյան ջան, խնդրում եմ դիմակ դրած ելույթ ունենաք»։ Ավագանու անդամը պատասխանեց, որ դիմակով չի կարողանում խոսել: Հայկ Մարությանն էլ ասաց, որ Վարդանյանը վտանգի տակ է դնում իր առջև նստած մարդկանց, ինչին Վարդանյանն արձագանքեց․ «Կարող եք ինձ համարել հանցագործ»։
«Այո՛, Ձեզ համարում եմ հանցագործ, եթե Դուք հիմա կովիդի դրական արդյունք ունեք, ասիմպտոմ տանում եք, վտանգի տակ եք դնում այստեղ նստած մարդկանց: Կոնկրետ իմ դիմակը պաշտպանում է կորոնավիրուսից, բայց այստեղ բազմաթիվ մարդիկ են նստած այնպիսի դիմակներով, որը չի պահում կովիդից: Քանի որ աշխատում եք նաև բժշկական ոլորտում, ինչո՞ւ եք վտանգի տակ դնում մարդկանց, ինձ համար զարմանալի է: Կա պարետի որոշում, որ փակ տարածքներում պետք է կրել դիմակ, հերիք եղավ արդեն, օրինակ պետք է ծառայեք, ոչ թե ինչ ուզեք՝ անեք: Ինձ համար զարմանալի է, թե ինչքան կարելի է չհարգել օրենքը»,- ասաց Մարությանը։
Մանրամասները՝ տեսանյութում:
