16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Ինչու են բերման ենթարկում ավագանու անդամներին. ԲՀԿ-ականը՝ Հայկ Մարությանին. ՏԵՍԱՆՅՈՒԹ
Քաղաքականություն
24.06.2020 | 12:52
Հուսամ՝ մի օր կհետաքրքրվեք, թե ինչ հիմքով է սահմանափակվում Երևանի ավագանու անդամների ազատ տեղաշարժը, թե ինչ հիմքով են նրանց բերման ենթարկում: Այս մասին Երևանի ավագանու նիստում դիմելով քաղաքապետ Հայկ Մարությանին՝ ասաց ԲՀԿ խմբակցության ղեկավար Միքայել Մանրիկյանը՝ անդրադառնալով նրան, որ Ծառուկյանին աջակցողներին բերման ենթարկելիս իրեն ևս ոստիկանները բերման էին ենթարկել:
Ի պատասխան՝ Հայկ Մարությանն ասաց. «Ճիշտ է, ես Ձեզ չեմ զանգել, բայց հետաքրքրվել եմ, որ ամեն ինչ նորմալ է: Իմ միակ մտահոգությունն այն է, որ այդքան մարդ միանգամից մի տեղ հավաքվում է: Մարտից սկսած ես դրա մասին խոսում եմ, արդյո՞ք այդքան մարդ, որ հավաքվում է, վտանգավոր չէ մեր պանդեմիայի պայմաններում: Ես վստահ եմ, որ վտանգավոր է, ահա թե ինչու Ոստիկանությունը հորդորում է այդքան մեծ քանակով չհավաքվել: Եթե Դուք զգացել եք կամ զգում եք, որ Ձեր նկատմամբ ապօրինի գործողություն է կատարվել, փառք Աստծո, միշտ կարելի է դիմել Ոստիկանություն, դատախազություն կամ դատական ատյաններին, որպեսզի Ձեր խախտված իրավունքները վերականգնվեն: Եթե ինչ-որ մեկի նկատմամբ ապօրինություն է տեղի ունեցել, կապ չունի՝ ես քաղաքապետ եմ, թե ոչ, միշտ կանգնած եմ այդ մարդու կողքին»:
Մանրամասները՝ տեսանյութում:
