08.12.2025 | 09:46
Արթիկում, Վարդենյաց լեռնանցքում և «Մեղրու սար» կոչվող հատվածում ձյուն է տեղում
Հայաստանի վրա վաճառվում են ժամկետանց գաղափարներ․ կրթության փորձագետ. ՏԵՍԱՆՅՈՒԹ
Հասարակություն
23.06.2020 | 11:25
Հեղափոխությունից հետո կրթության ոլորտում պետք է գնահատում արվեր՝ հասկանալու խնդիրներն ու անելիքները, ինչը, սակայն, ըստ կրթության փորձագետ Սերոբ Խաչատրյանի, չի արվել։ Այս մասին նա ասաց «Գաջ քսողից՝ մենեջեր, կա պրոֆեսիոնալիզմի պակաս: Իսկ ինչի՞ պակաս կա կառավարությունում, եթե «կրթական համակարգն ավերակ» է» թեմայով քննարկման ժամանակ։
Նրա խոսքով՝ կրթության ոլորտում անհրաժեշտ են հստակ ռեֆորմներ, ռազմավարություն, իսկ թե ով կամ որ մարմինը պետք է անի դա, հստակ չէ։
«Պետք է ինստիտուցիոնալ խումբ լինի, որը կայուն ձևով այդ ռազմավարական աշխատանքը կանի։ Ո՛չ նախարարը, ո՛չ փոխնախարարը, ո՛չ վարչության պետերը դա չեն կարող անել, որովհետև իրենք ներգրավված են ամենօրյա վարչական աշխատանքներում։ Հիմա այս իրավիճակում ակնկալել, որ ինչ-որ մի ստրատեգիական բան կլինի Հայաստանում, ուղղակի անհույս է։ Ինստիտուտ չկա, որը դա կարող է առաջ տալ»,- նշեց Խաչատրյանը։
Կրթության փորձագետն ընդգծեց, որ երբ որևէ ռեֆորմ է արվում, պետք է նախ ստուգել՝ որքանով է այն աշխատող․ «Հաճախ, ցավոք, Հայաստանի վրա վաճառվում են ժամկետանց գաղափարներ, ռեֆորմներ, որովհետև շատ դեպքերում մեզ հետ աշխատում են այնպիսի փորձագետներ, ովքեր Արևմուտքում այդքան էլ առաջավոր խմբերի մեջ չեն»։
Մանրամասները՝ տեսանյութում։
