30.08.2026 | 00:13
Հայտնի է «Արարատ-Արմենիայի» խաղացանկը Եվրոպա լիգայում
ՄԱԿ-ը հրապարակել է Հայաստանի Կայուն զարգացման նպատակների 2020 թվականի կամավոր ազգային գնահատման զեկույցը
Տնտեսություն
16.06.2020 | 16:52
Փոխվարչապետ Մհեր Գրիգորյանի գրասենյակի համակարգմամբ և բոլոր շահագրգիռ կողմերի մասնակցությամբ մշակվել և ՄԱԿ-ին է ներկայացվել Հայաստանի Կայուն զարգացման նպատակների կամավոր ազգային գնահատման զեկույցը: Փաստաթղթի մշակմանը մասնակցել են պետական մարմիններ, Հայաստանում ՄԱԿ-ի մշտական համակարգողի գրասենյակը, ՄԱԿ-ի տարբեր կառույցներ և քաղաքացիական հասարակության ներկայացուցիչներ:
Զեկույցը հրապարակվել է ՄԱԿ-ի պաշտոնական կայքէջում : Այն ներկայացնում է Կայուն զարգացման նպատակների իրականացման ուղղությամբ Հայաստանի նախաձեռնած քայլերը 2018 – 2020 թվականների ժամանակահատվածում:
Զեկույցը բաղկացած է խմբավորված հետյալ հինգ բաժիններից՝
- մարդկային կապիտալի զարգացում,
- ենթակառուցվածքների մատչելիության և տնտեսական զարգացման ապահովում,
- կոռուպցիայի դեմ պայքար, մարդու իրավունքների պաշտպանություն և արդարություն,
- շրջակա միջավայրի պաշտպանություն և կլիմայի փոփոխության դեմ պայքար,
- համագործակցություն հանուն կայուն զարգացման նպատակների կենսագործման:
Հայաստանի Կայուն զարգացման նպատակների կամավոր ազգային գնահատման զեկույցը ներկայացվելու է նաև այս տարվա հուլիսին ՄԱԿ-ի շրջանակներում կայանալիք Բարձրաստիճան քաղաքական համաժողովի ընթացքում:
