24.04.2026 | 19:17
Ըմբշամարտի ԵԱ. Թևանյանը և Խնձրցյանը կգոտեմարտեն բրոնզե մեդալի համար
Ուկրաինայի նախագահի կինը երկկողմանի թոքաբորբով հոսպիտալացվել է
Քաղաքականություն
16.06.2020 | 16:00
Ուկրաինայի նախագահի կինը՝ Ելենա Զելենսկայան, ում մոտ ավելի վաղ կորոնավիրուս էր ախտորոշվել, երկկողմանի թոքաբորբով հոսպիտալացվել է։ Այս մասին հաղորդում է BBC-ի ռուսական ծառայությունը՝ վկայակոչելով նախագահի գրասենյակը։
Աղբյուրի փոխանցմամբ՝ առաջին տիկնոջ վիճակը կայուն է, միջին ծանրության թոքաբորբ է, լրացուցիչ թթվածնի կարիք չկա։
Նշենք, որ Ուկրաինայի առաջին տիկնոջ մոտ կորոնավիրուս էր հայտնաբերվել անցյալ շաբաթ։ Վլադիմիր Զելենսկու և երեխաների մոտ վարակ չէր ախտորոշվել։ Երեկ՝ հունիսի 15-ին նրանց հանձնած կրկնակի թեստերի արդյունքները նույնպես բացասական են եղել։
Կնոջ հիվանդության պատճառով Ուկրաինայի նախագահն անցել է աշխատանքային հատուկ ռեժիմի, որը չի նախատեսում հանդիպումներ և զանգվածային միջոցառումներին մասնակցություն։ Զելենսկու մասնակցությամբ բոլոր խորհրդակցություններն էլ անցկացվում են առցանց ռեժիմով։
«Այս արարողակարգից բացառություն հնարավոր է միայն արտակարգ իրավիճակի առաջացման դեպքում, որը պետության ղեկավարի կողմից անհապաղ արձագանք կպահանջի»,- նշել է նախագահի գրասենյակի մամուլի ծառայությունում։
