20.01.2026 | 11:20
Արմեն Ռուստամյանի ճեպազրույցը՝ ՈՒՂԻՂ
Դա սիրահարվածության պես է. Արոնյանը՝ Clutch Chess-ի 1/4 եզրափակչի վճռորոշ պարտիայում հաղթանակի մասին
11.06.2020 | 22:33
Հայաստանի առաջատար շախմատիստ, գրոսմայստեր Լևոն Արոնյանն, ինչպես հայտնի է, դուրս է եկել Clutch Chess օնլայն մրցաշարի կիսաեզրափակիչ՝ 10-8 հաշվով առավելության հասնելով ռուսաստանցի Ալեքսանդր Գրիշչուկի նկատմամբ. գրում է armsport.am-ը:
«Ես ու Սաշան NBA-ի մեծ երկրպագուներ ենք: Սա փլեյ-օֆֆ փուլում «Բոսթոն Սելթիկսի» 7-րդ խաղն էր: Մենք ապրում ենք այպիսի պահերի համար: Կարծում եմ՝ թե՛ ես, թե՛ մրցակիցս վայելեցինք խաղը: Մեր կարիերայի ընթացքում մենք շատ անգամներ ենք կոտրել միմյանց սրտերը՝ հաղթելով վճռորոշ պարտիաներում»,- ասել է Արոնյանը խաղից հետո:
Նա քառորդ եզրափակչի վճռորոշ պարտիայում իր հաղթանակը համեմատել է սիրահարվածության հետ.
«Անհավանական զգացողություններ են: Սա սիրահարվածության պես է: Այն կյանքում ընդամենը մի քանի անգամ կարող ես զգալ: Արյունը շատ արագ «վազում» է մարմնիդ միջով, և ոչ մի այլ բանի մասին չես կարողանում մտածել: Սա հիանալի զգացմունք է, և ես գիտեմ, որ դուք ինքներդ էլ այն ապրել եք: Կարծում եմ՝ հենց սրա համար ենք մենք շախմատ խաղում», – ասել է Արոնյանը:
Սենթ-Լյուիսի ակումբի կողմից կազմակերպված Clutch Chess մրցաշարի կիսաեզրափակչում Արոնյանի մրցակիցը կլինի աշխարհի չեմպիոն, նորվեգացի Մագնուս Կարլսենը: Կիսաեզրափակչի մյուս զույգը կկազմեն Ուսելի Սոն և Ֆաբիանո Կարուանան:
