13.03.2026 | 17:20
Բոլոր սցենարները հաշվարկված են․ Ալեքսան Ալեքսանյանը՝ ԱՀԾ-ի և ՔԿ-ի հայտարարությունների մասին․ ՏԵՍԱՆՅՈՒԹ
«Ինձ մոտ ամեն ինչ նորմալ է»․ Սեյրան Օհանյանը` կորոնավիրուսով վարակված պաշտպանի հետ շփման և իր առողջական վիճակի մասին
02.06.2020 | 14:15
Ինչպես ավելի վաղ տեղեկացրել էինք, օրեր առաջ կորոնավիրուսի համաճարակի հետևանքով հոսպիտալացվել են Պաշտպանության նախկին նախարար Սեյրան Օհանյանի պաշտպաններ Ինեսսա Պետրոսյանը, նրա ամուսին Կարեն Մեժլումյանն ու ընտանիքի մյուս անդամները։
Փաստաբան Կարեն Մեժլումյանը, նախքան հոսպիտալացվելը, Քոչարյանի և մյուսների գործով դատական նախավերջին նիստին ներկա էր։
Factor.am-ը կապ հաստատեց Պաշտպանության նախկին նախարար Սեյրան Օհանյանի հետ՝ ճշտելու համար, թե արդյոք պաշտպանի հետ վերջին հանդիպումից հետո իրեն լավ է զգում և արդյոք շփվելիս պահպանել են հակահամաճարակային կանոնները։
«Ինձ մոտ ամեն ինչ նորմալ է, վերջին անգամ նույնիսկ երբ շփվել ենք, եղել ենք դատական նիստերի դահլիճում, ես եղել եմ երկրորդ շարքում նստած, ինքը՝ առջևի և որևէ շփում չենք ունեցել»,- նշեց նախկին պաշտոնյան։
Սեյրան Օհանյանը հավելեց, որ դատարան գալիս էլ եղել է դիմակով և ձեռնոցով։ Նշենք, որ դատավորության մյուս մասնակիցների թվում այս պահի դրությամբ այլ վարակակիրներ չկան։
Լիլիթ Շաբոյան
