03.06.2026 | 15:35
ՆԱՏՕ-ի գլխավոր քարտուղար Մարկ Ռյուտեն չհայտարարված այցով Կիևում է
Պարույր Հայրիկյանը հացադուլ է սկսելու՝ ԿՀԸ նախագահ Տիգրան Մուկուչյանի հրաժարականի պահանջով
Քաղաքականություն
17.11.2017 | 19:38
ԱԻՄ առաջնորդ Պարույր Հայրիկյանը մտադիր է երկուշաբթի օրը՝ ժամը 10:00-ին հացադուլ սկսել ԿԸՀ-ի դիմաց։ «Հացադուլի պատճառը Կենտրոնական ընտրական հանձնաժողովի նախագահի հակասահմանադրական կեցվածքն է, պահանջելու ենք իրեն հեռացնել աշխատանքից և ընթացք տալ մեր պահանջին»,- Factor.am-ի հետ զրույցում ասաց ԱԻՄ առաջնորդ Պարույր Հայրիկյանը՝ հավելելով, որ իրենք նախատեսում էին ստորագրահավաք սկսել Սահմանադրությունը փոփոխելու նպատակով, սակայն ԿԸՀ-ից բացասական պատասխան են տվել։
ԱԻՄ առաջնորդը մանրամասնեց, որ պահանջը վերաբերում է 200 հազար ստորագրությամբ սահմանադրական փոփոխություններ նախաձեռնելու գաղափարին ընդառաջ գնալուն: «Պատճառն այն է, որ իրենք նամակ են ուղարկել, որում ասում են՝ քաղաքացիները նախաձեռնելու իրավունք չունեն: Մինչդեռ նոր Սահմանադրությունն ասում է, որ 200 հազար քաղաքացիների ստորագրությամբ կարող է դա նախաձեռնվել»,- նշեց Պարույր Հայրիկյանը՝ հայտնելով, որ պահանջելու են ԿԸՀ նախագահ Տիգրան Մուկուչյանի հակասահմանադրական գործողությունների դադարեցում և իրենց սահմանադրական իրավունքի իրականացման հնարավորության ապահովում:
