24.06.2026 | 18:34
Երևանում ավելի քան 5 ամիս փակ կլինի Արին Բերդ փողոցի ճանապարհահատվածներից մեկը
«Եթե Թուրքիան գնի C-400 համակարգեր, ՆԱՏՕ-ի տեխնոլոգիաների հասանելիությունը նրա համար կսահմանափակվի». ԱՄՆ
Քաղաքականություն
17.11.2017 | 20:45
ԱՄՆ-ի ռազմաօդային ուժերի փոխնախարար Հեյդի Գրանտը հայտարարել է, որ ՆԱՏՕ-ն կսահմանափակի իր տեխնոլոգիաների հասանելիությունը Թուրքիայի համար, եթե վերջինս Ռուսաստանից գնի «C-400» ՀՕՊ համակարգեր:
Ըստ թուրքական «Gazeteduvar.com» լրատվական կայքի՝ Գրանտը շեշտել է, որ «C-400»-ների գնումը լրջորեն կանդրադառնա Թուրքիա-ՆԱՏՕ ռազմական համագործակցության վրա՝ հիշեցնելով, որ դաշինքի ռազմավարության մեջ չի մտնում այդ համակարգերով (C-400) համագործակցությունը. փոխանցում է EH-ն:
Ամերիկացի բարձրաստիճան զինվորականը ավելացրել է, որ ռուսական ՀՕՊ համակարգերի գնումը կարող է խնդիրներ առաջացնել նաև 2018-ին նախատեսված ԱՄՆ-ի կողմից Թուրքիային F-35 կործանիչների մատակարարման հարցում:
Նշվում է, որ ԱՄՆ-ի մասնագետները մտավախություն ունեն, որ Թուրքիան կարող է «C-400» համակարգերը միաժամանակ օգտագործել «F-35» կործանիչների հետ, ինչը թույլ կտա ռուսական համակարգերի միջոցով ամերիկյան կործանիչների մասին տեղեկություններ կորզել: Մասնագետները նշել են, որ «F-35» կործանիչների թույլ կողմերի մասին տեղեկությունների՝ ռուսական կողմի ձեռքն ընկնելու հավանականությունը խիստ վտանգավոր է ամերիկյան կործանիչների հետագա ճակատագրի տեսանկյունից:
