30.10.2026 | 01:09
Երկրաշարժ Ջերմուկ քաղաքից 15 կմ հյուսիս-արևելք
NBA-ի ղեկավարությունը նախատեսում է հետաձգել 2020/21 կանոնավոր մրցաշրջանի մեկնարկը
02.05.2020 | 14:52
ESPN հեռուստաընկերության լրագրող Ադրիան Վոյնարովսկին ասել է, որ ըստ նրա, Բասկետբոլի ազգային ասոցիացիայի (NBA) ղեկավարությունը նախատեսում է հետաձգել 2020/21 կանոնավոր մրցաշրջանի մեկնարկը հոկտեմբերից դեկտեմբեր ընկած ժամանակահատվածում. գրում է armsport-ը:
Ինչպես գրել է Վոյնարովսկին, NBA-ի հանձնակատար Ադամ Սիլվերը և լիգայի տնօրենների խորհուրդը քննարկել են այս տարբերակը անցած ուրբաթ: Միևնույն ժամանակ, սկսնակների համար մայիսին նախատեսված դրաֆթ-վիճակախաղի և համակցված թեստերի նախագիծը որոշվել է հետաձգել անորոշ ժամկետով, դրաֆթի ամսաթիվը՝ հունիսի 25-ը, չի փոխվել:
Ինչ վերաբերում է ընթացիկ մրցաշրջանին, ապա խաղերի վերսկսման ժամկետները դեռ հայտնի չեն: Խաղերը, ամենայն հավանականությամբ, կանցկացվեն դատարկ տրիբունաներում: Ըստ Վոյնարովսկու, նրանք մտադիր են մրցաշարն ավարտել հուլիսի վերջին կամ օգոստոսի սկզբին:
Ավելի վաղ ESPN-ն իմացել էր, որ NBA-ի ղեկավարությունը և խաղացողների միությունը պայմանավորվել են բասկետբոլիստների աշխատավարձերը կրճատել 25%-ով՝ կորոնավիրուսի համաճարակի պատճառով: Ըստ հեռուստաալիքի, ապրիլ ամսվա համար վճարումները կկատարվեն ամբողջությամբ, բայց մայիսի 15-ից դրանք կրճատվելու են մեկ քառորդով:
