17.09.2026 | 23:38
Սամվել Կարապետյանի տնային կալանքը երկարաձգվել է
Բազմաթիվ երեխաներ, այդ թվում՝դասերին մասնակցողները, հետ են մնալու ծրագրերից․ Սերոբ Խաչատրյան. ՏԵՍԱՆՅՈՒԹ
Հասարակություն
01.05.2020 | 14:55
Մենք այս պահին դեռ չունենք կրթության զարգացման պետական ծրագիր: Մենք արդեն հինգ տարի անորոշության մեջ լողում ենք և իրավիճակային որոշումներով փորձում ենք տեղաշարժվել: «Կրթության կազմակերպման խնդիրներն արտակարգ դրության պայմաններում» թեմայով քննարկման ժամանակ այս մասին ասաց կրթության հարցերով փորձագետ Սերոբ Խաչատրյանը:
Նա, միաժամանակ, հավելեց, որ այս իրավիճակում և՛ ուսուցիչները, և՛ աշակերտներն ու ուսանողները մեծ տեմպերով բարձրացրեցին իրենց թվային գրագիտության մակարդակը:
«Այս իմաստով սա իսկապես շատ լավ հնարավորություն էր: Գիտենք նաև, որ նախորդ տարիների վերապատրաստումների ժամանակ հաճախ դիմադրություն էր լինում թվային տեխնոլոգիաներն օգտագործելու հարցում: Հիմա ճգնաժամը մարդկանց շատ համոզիչ ցույց տվեց, որ անկախ տարիքից և առարկայից՝ կան իրավիճակներ, որ ստիպված ես ինչ-որ բաներ սովորելու»,- ասաց Սերոբ Խաչատրյանը:
Փորձագետի խոսքով՝ բարձրագույն կրթության առումով հեռավար ուսուցումը մեծ հեռանկարներ ունի, ինչը չի կարելի ասել հանրակրթության մասին: Նա նշեց, որ բազմաթիվ երեխաներ, նույնիսկ նրանք, որոնք մասնակցել են դասերին, հետ են մնալու ծրագրից:
Մանրամասները՝ տեսանյութում:
