Նման կարգավորում չեմ տեսել, որ գրավ կիրառի ոչ թե դատարանը, այլ քննիչը․ Նիկոլայ Բաղդասարյան. ՏԵՍԱՆՅՈՒԹ

ԱԺ նիստում քննարկվում է ՀՀ քրեական դատավարության օրենսգրքում փոփոխություններ և լրացումներ կատարելու մասին նախագիծը, որով առաջարկվում է գրավը սահմանել որպես ինքնուրույն խափանման միջոց։

Ըստ «Իմ քայլը խմբակցության պատգամավոր Նիկոլայ Բաղդասարյանի՝ մի շարք պետություններ ունեն նման կարգավորումներ, սակայն չի տեսել, որ գրավ կիրառի ոչ թե դատարանը, այլ քննիչը:

«Բայց դա չի նշանակում, որ համակարգը չի գործի։ Կա մտավախություն, որ չի գործի, ճիշտն ասած, ուղղակի ինչ իրավիճակ կունենանք, խափանման միջոց կալանքի քանակները կարող են ավելանալ, իսկ գրավը նվազել: Դա բացասական հետևանք կլինի, բայց կարող է հակառակը լինել»,- ասաց նա։

Պատգամավորը ներկայացրեց, թե ինչու է կատարվում այս փոփոխությունը. «Գործող Քրեական օրենսգիրքը գրավ, կալանք երևույթը սխալ է կարգավորում։ Ի՞նչ ունենք. անձի նկատմամբ քննիչի միջնորդությամբ ընտրվում է կալանք, այնուհետև դատարանը հնարավորություն ուներ գրավ կիրառել։ Ստացվում էր՝ մարդը կալանքի տակ է գտնվում, բայց դրսում է, քանի որ գրավ է վճարում։ Այդպես լինել չէր կարող, և Վճռաբեկ դատարանը դիմեց Սահմանադրական դատարան, և ՍԴ-ն որոշում կայացրեց, որ չի կարող լինել այն փաստը, որ մարդը լինի կալանքի տակ, բայց միաժամանակ լինի դրսում, քանի որ գրավ է վճարել։ Պետք է պարտադիր կերպով կողմ քվեարկենք այդ նախագծին, հակառակ դեպքում՝ կունենանք մի իրավիճակ, երբ մեր պետությունն ուղղակի գրավ կիրառելու հնարավրություն չի ունենա»:

Մանրամասները՝ տեսանյութում: