Հասարակություն
12.04.2020 | 14:56
Ապրիլի 12-ին նշվող Տիեզերագնացության օրը Ռուսաստանում առաջին անգամ հեռահար կարգով կկազմակերպվի։ Այս մասին հայտնում է ՌԻԱ Նովոստին՝ հղում տալով Роскосмос-ի մամուլի ծառայությանը:
Աղբյուրի փոխանցմամբ՝ Տիեզերագնացի օրվա տոնակատարությունն առայժմ հետաձգվել է մինչև աշուն։ Այդ ժամանակ այն կանցկացվի Կրեմլի հանդիսությունների դահլիճում՝ ավանդական գալա համերգով։
«Տիեզերագնացության օրվա տոնակատարության շրջանակում նախատեսվում են մի շարք միջոցառումներ, որոնք, երկրում և աշխարհում համաճարակաբանական իրավիճակով պայմանավորված, կկազմակերպվեն առցանց ռեժիմով», – ասված է Роскосмос-ի մամուլի ծառայության հաղորդագրության մեջ:
Հավելենք, որ 1961 թվականին հենց այս օրը՝ ապրիլի 12-ին, Յուրի Գագարինը կատարեց պատմության մեջ առաջին թռիչքը դեպի տիեզերք։ 2011 թվականին ՄԱԿ-ն ապրիլի 12-ը Տիեզերագնացության միջազգային օր հայտարարեց։
Նելլի Մելքոնյան
