09.08.2026 | 16:37
Վթարային ջրանջատում Կտայքում և Երևանում
Հենրիխ Մխիթարյանի տրանսֆերի արժեքը 5 միլիոն եվրոյով նվազել է
09.04.2020 | 12:50
Գերմանական Transfermarkt ֆուտբոլային պորտալը թարմացրել է աշխարհի ֆուտբոլիստների «արժեքի» վերաբերյալ տվյալները՝ էապես իջեցնելով գրեթե բոլոր խաղացողների տրանսֆերային արժեքները։ Այս մասին հայտնում է RusArmInfo-ն:
Հայաստանի ազգային հավաքականի ավագ, իտալական Ռոմայի կիսապաշտպան Հենրիխ Մխիթարյանի տրանսֆերային արժեքը նվազել է 5 միլիոն եվրոյով և այժմ 20 միլիոն է կազմում։
Ռոման փորձում է Լոնդոնի Արսենալից ձեռք բերել Մխիթարյանի տրանսֆերը 10 միլիոն եվրոյով, մինչդեռ «Արսենալը» Մխիթարյանի դիմաց ցանկանում է առնվազն 18 միլիոն եվրո ստանալ:
Աղբյուրի փոխանցմամբ՝ տրանսֆերային շուկայում գների անկումը պայմանավորված է կորոնավիրուսի պանդեմիայով, որի պատճառով շատ ակումբներ խաղացողների ծախսերի կրճատում են կատարում։
Հիշեցնենք՝ Հենրիխ Մխիթարյանը վարձակալական հիմունքներով իտալական «Ռոմա» տեղափոխվեց ընթացիկ մրցաշրջանի մեկնարկին։ Նա ծրագրում էր ամռանը լիարժեք պայմանագիր կնքել իտալական ակումբի հետ: «Ռոմայի» կազմում անցկացրած խաղաշրջանի ընթացքում Մխիթարյանը 6 գոլի և 3 գոլային փոխանցման հեղինակ է դարձել:
Նելլի Մելքոնյան
