30.08.2026 | 22:00
ԵՄ դեպանը Սևանա լիճ և Տավուշի մարզ է այցելել
3 մլրդ 670 մլն դրամի արդեն աջակցություն է տրվել. փոխվարչապետ. ՏԵՍԱՆՅՈՒԹ
Տնտեսություն
09.04.2020 | 12:28
Ընդհուպ մինչև երեկվա ցուցանիշներով՝ Կառավարության ընդունած հակաճգնաժամային միջոցառումների փաթեթների հասանելի միջոցների գումարը կազմում է 3 մլրդ 670 մլն դրամ: Այս մասին ապրիլի 9-ին լրագրողների հետ հանդիպման ժամանակ ասաց փոխվարչապետ Մհեր Գրիգորյանը:
Նրա պարզաբանմամբ՝ միջոցառումների 10 փաթեթից 6-ն արդեն գործում է, և սա վատ ցուցանիշ չէ:
«Միջոցառումների 7-րդ փաթեթը հասանելի կլինի արդեն վաղը, իսկ 8-րդ, 9-րդ և 10-րդ փաթեթների իրականացումը կսկսվի երկուշաբթի: Այսօր ընդունվել է միկրոբիզնեսին առնչվող ևս մեկ միջոցառում, որի իրականացումը տեղի կունենա արագ, քանի որ թիրախային խումբը հայտնի է»,- նշեց Գրիգորյանը:
Ըստ փոխվարչապետի՝ իշխանությունները վերլուծում են խթանները, որոնք ստանում է բիզնեսը. «Մենք ցանկանում ենք, որ դա լինի ոչ թե հակաճգնաժամային գործիքով, այլ այն մասնավոր հատվածի զարգացման գործիքով, որն ապագայի հեռանկար ունի: Սոցիալական աջակցության միջոցառումները թիրախային բնույթ ունեն, իսկ դրանց շահառուների հստակեցումն օգտակար կլինի ապագայում անհրաժեշտ ծրագրերի իրականացման համար»:
Մանրամասները՝ տեսանյութում:
