Քաղաքականություն
08.04.2020 | 16:22
«Միրիկցի կնոջն Արարատի մարզից բերել էին տվել` ընտրություններին մասնակցելու համար։ Այս կնոջ հարսը եղել է Միրիկի տեղամասային ընտրական հանձնաժողովի անդամ, նա ևս ունեցել է բազմաթիվ շփումներ, այդ թվում Բերձորում։ Իրականում վիճակը տագնապալի է ոչ միայն Միրիկում, այլ հարևան Մոշաթաղում։ Վարակված կինը բազմաթիվ շփումներ է ունեցել նաև Բերձորում` մի քանի օր մնալով ընդհանուր պալատում և շփվելով բազմաթիվ մարդկանց հետ։ Նույնիսկ արտակարգ դրություն չմտցնելու դեպքում, անհնար կլինի ընտրությունների երկրորդ փուլը կազմակերպել Միրիկում, Մոշաթաղում, Բերձորում»,- ֆեյսբուքի իր էջւմ գրել է Արցախի ԱԺ նախկին պատգամավոր Հայկ Խանումյանը:
Նշենք, որ Հայկ Խանումյանի գրառմանն արձագանքել է Արցախի տեղեկատվական շտաբի ղեկավար Տիգրան Աբրահամյանը և նշել, որ այդ կինը ապրիլի 2-ից մեկուսացված է՝ իր հետ մի բուժքույր է միայն շփվել, որը այլ հիվանդի չի սպասարկել:
Տեղեկացնենք, որ Factor.am-ը դիմել է ԱՀ պետնախարար Գրիգորի Մարտիրոսյանին՝ պարզելու, թե ստեղծված իրավիճակում նախագահի ընտրության 2-րդ փուլը կհետաձգվի՞, թե՞ ոչ։
