06.04.2026 | 19:10
Աշխարհի գավաթ․ Արթուր Դավթյանը՝ ոսկե մեդալակիր․ ՏԵՍԱՆՅՈՒԹ
Եթե այս անգամ էլ պարոն վարչապետն իր խոսքերից հետ կանգնի, այս անգամ էլ հայցը հետ կվերցնենք․ Հայկ Ալումյան
Հասարակություն
08.04.2020 | 12:07
ՀՀ երկրորդ նախագահ, Մարտի 1-ի գործով ՀՀ սահմանադրական կարգի տապալման համար մեղադրվող Ռոբերտ Քոչարյանը երկրորդ անգամ է դատական հայց ներկայացրել ըննդեմ ՀՀ վարչապետ Նիկոլ Փաշինյանի։
Հիշեցնենք, որ նախորդ անգամ դատական հայցը պաշտպանական կողմը ետ էր վերցրել։ Հայցվոր կողմը զրպարտություն է համարում Փաշինյանի զրույցի հետևյալ հատվածը. «Կամ թեկուզ Ռոբերտ Քոչարյանին ազատ արձակելու մեկնաբանությունը: Ասում է՝ անձեռնմխելի է: Ի՞նչ է նշանակում անձեռնմխելի: Այսինքն, կարելի է մարդկանց սպանությունը կազմակերպել ու ասել՝ «Ես անձեռնմխելի՞ եմ»: Այդ որտե՞ղ է այդպես գրված»:
Մինչդեռ դատարանում Փաշինյանի ներկայացուցիչն ասաց, որ այս խոսքերը Ռոբերտ Քոչարյանի հասցեին ուղղված չեն եղել։
Օրերս Քոչարյանն ընդդեմ Փաշինյանի երկրորդ գործն է մուտքագրվել դատարան։
«Եթե այս անգամ էլ պարոն վարչապետն իր խոսքերից ետ կանգնի, այս անգամ էլ հայցը հետ կվերցնենք, հնարավոր է նաև որ այս անգամ մինչև վերջ կգնանք»,- այսօր հրավիրված ասուլիսի ժամանակ ասաց Քոչարյանի պաշտպաններից Հայկ Ալումյանը։
Ալումյանը նշեց, թե այս անգամ վարչապետ Նիկոլ Փաշինյանի որ խոսքերն են իրենք զրպարտություն համարում: «Ասում եմ՝ Ռոբերտ Քոչարյան այս անգամ եվրոպացիների փեշերի տակ չեք թաքնվելու, ժողովրդից թալանածը կոպեկ առ կոպեկ վերադարձնելու եք»,- մեջբերեց Ալումյանը։
Լիլիթ Շաբոյան
