19.04.2026 | 23:45
Գետերում նկատվում է ջրի մակարդակի բարձրացում. ՆԳՆ ՓԾ-ն անցել է ուժեղացված ծառայության
Փոփոխություն ենք առաջարկել օրենքում, որպեսզի չվճարված վարկային և այլ պարտավարությունները որևէ հետևանք չառաջացնեն. Մարուքյան. ՏԵՍԱՆՅՈՒԹ
Հասարակություն
07.04.2020 | 14:51
ՀՀ-ում կորոնավիրուսի համավարակով պայմանավորված սահմանափակումների պատճառով բազմաթիվ ընկերություններ, անհատ ձեռնարկատերեր, քաղաքացիներ բախվել են իրենց պարտավորությունների չկատարման խնդրին։ Այս մասին ֆեյսբուքյան ուղիղ եթերում ասաց «Լուսավոր Հայաստան» կուսակցության ղեկավար Էդմոն Մարուքյանը։
«Սկսած կոմունալ վճարումներից՝ մինչև բանկերի և վարկային կազմակերպությունների նկատմամբ ունեցած պարտավորություններ։ Այս առումով ՀՀ օրենսդրությունը ոչ միանշանակ է, և պարզ չէ՝ արտակարգ դրությունն անհաղթահարելի ո՞ւժ է, թե՞ ոչ։ Պարզ չէ նաև, այս արտակարգ դրության ընթացքում վարկային պարտավորությունները չկատարելն ընկալելի՞ է մյուս կողմի համար։ Պարզ չէ՝ երկու կողմերը պե՞տք է հասկանան, որ սա անհաղթահարելի ուժի դրություն է, և չպե՞տք է վեճ առաջանա կողմերի միջև»,- ասաց նա։
Մարուքյանը նշեց, որ «Լուսավոր Հայաստան» խմբակցությունը պաշտոնապես շրջանառության մեջ է դրել «Քաղաքացիական օրենսգրքում փոփոխություններ և լրացումներ կատարելու մասին» օրենքի նախագիծը։ Դրանով նախատեսվում է, որ այն բոլոր պարտավորությունները, որոնք չեն կատարվել արտակարգ դրության օրերին, և որոնք խնդիրներ են առաջացնում, համարվեն անհաղթահարելի ուժի հիմքով չկատարված և չառաջացնեն որևէ այլ պարտավորություն։
Մանրամասները՝ տեսանյութում:
