12.01.2025 | 00:54
Կիևյան փողոցի տներից մեկում հրդեհ է բռնկվել. դեպքի վայր է մեկնել չորս մարտական հաշվարկ
Այո՛, դա ցինիզմ է, ով թալանի՝ կպատժվի․ Փաշինյան. ՏԵՍԱՆՅՈՒԹ
Հասարակություն
06.04.2020 | 20:43
«Բարձրաստիճան պաշտոնյաներին տրվող պարգևավճարներով փաստացի բարձրացվեցին նրանց աշխատավարձերը, իսկ թոշակները շատ քիչ են բարձրացել։ Դուք ժամանակին քննադատում էիք պետաշխատողների աշխատավարձի բարձրացումը և ցինիզմ որակում։ Պարգևավճարների ու թոշակների այս տարբերությունը ցինի՞զմ է, թե՞ ոչ»,- քաղաքացիներից մեկն այսպիսի հարց ուղղեց Նիկոլ Փաշինյանին։
Վարչապետը պատասխանեց, որ ինքը նախկինում քննադատել է՝ հաշվի առնելով երկրում հաստատված քաղաքական վիճակը։
«Համակարգային կոռուպցիան վերացված է Հայաստանում, և համոզված եղեք, նա, ով կչարաշահի, կփորձի թալանել, կպատժվի՝ անկախ նրանից, թե ով է։ Ես ինչու եմ ցինիզմ որակել, որ պետական բոլոր պաշտոնյաներին տրված էր արտոնություն՝ կաշառքներով, հովանավորչությամբ, կոռուպցիոն լծակներով փողեր աշխատել ու թալանել երկիրը, մի հատ էլ աշխատավարձ բարձրացնել: Դա ցինիզմ է, այո՛»,- պատասխանեց վարչապետը։
Մանրամասները՝ տեսանյութում:
