17.11.2024 | 23:31
Պաշտոնանկություններ կառավարությունում․ 2 նախարար, ուժային կառույցների ղեկավարներ ու ՊԵԿ նախագահն ազատման դիմում են ներկայացրել
Առավոտյան ինձ լուսանկարներ էին ուղարկել՝ ահազանգերով․ Նիկոլ Փաշինյան. ՏԵՍԱՆՅՈՒԹ
Հասարակություն
06.04.2020 | 19:27
Մենք գյուղատնտեսության ոլորտում շատ կարևոր ծրագրեր ենք իրականացնում, կորոնավիրուսի շրջանում կարևոր որոշումներ ենք կայացրել և հիմա, ըստ էության, Կառավարությունը հիմնականում զրոյացրել է գյուղացիական վարկերի տոկոսադրույքները: Այս մասին քաղաքացիների հարցերին պատասխանելիս հայտարարեց ՀՀ վարչապետ Նիկոլ Փաշինյանը՝ անդրադառնալով հարցին, թե ի՞նչ անեն այն գյուղացիները, որոնք չունեն բավարար գումար՝ իրենց աշխատանքները սկսելու համար:
Նա հավելեց, որ նաև միկրովարկերի տոկոսներն են զրոյացրել. «Ինձ այսօր ահազանգեր էին ուղարկել լուսանկարներով, որ «Ակբա Կրեդիտ Ագրիկոլ բանկի» մասնաճյուղերում հերթ է, որոնք վարկեր են ստանում: Ահազանգում էին, որ այդտեղ սոցիալական հեռավորությունը չեն պահում: Մինչև 1 մլն դրամանոց վարկեր են տրվում առանց տոկոսի: Կառավարությունը հետևում է, երբ այդ 2 մլրդ դրամի պաշարը սպառվի, մենք նոր միջոցներ կներգրավենք, որ այս տարի մեր բոլոր հայրենակիցները, որոնք ուզում են ստանալ վարկեր և ունեն համապատասխան վարկային պատմություն, նրանք դրանք ստանան»:
Մանրամասները՝ տեսանյութում:
