02.04.2026 | 19:03
«Ինչո՞ւ պիտի խորան չգնայի». ինչպես Փաշինյանն անցավ հավատացյալների բազմության միջով. ՏԵՍԱՆՅՈՒԹ
Գևորգ Լոռեցյանի կալանքը երկարացվել է. պաշտպանը դիմել է Վերաքննիչ՝ գրավի միջնորդությամբ
Հասարակություն
05.04.2020 | 19:21
Երևանի ընդհանուր իրավասության դատարանը բավարարել է ՀՀ կրթության, գիտության, մշակույթի և սպորտի նախկին փոխնախարար Գևորգ Լոռեցյանի կալանավորումը ևս երկու ամսով երկարացնելու մասին ԱԱԾ քննիչի միջնորդությունը: Լոռեցյանը կշարունակի մնալ կալանքի տակ։
Նրա փաստաբան Լևոն Սահակյանը Factor.am-ին հայտնեց, որ առաջին ատյանի դատարանում իրենք առարկել են քննիչի բերած միջնորդության դեմ և դատարանին միջնորդել են Լոռեցյանին գրավի դիմաց ազատ արձակել, սակայն իրենց միջնորդությունը մերժվել է։
Այժմ պաշտպանական կողմը որոշման դեմ վերաքննիչ բողոք է ներկայացրել, միևնույն ժամանակ, կրկին միջնորդել՝ Լոռեցյանին գրավի դիմաց ազատ արձակել։
Հիշեցնենք, որ Լոռեցյանը կալանավորվել է նախորդ տարվա դեկտեմբերի 7-ին։ Նա մեղադրվում է խոշոր չափի կաշառք ստանալու համար։
Լիլիթ Շաբոյան
