17.11.2024 | 23:31
Պաշտոնանկություններ կառավարությունում․ 2 նախարար, ուժային կառույցների ղեկավարներ ու ՊԵԿ նախագահն ազատման դիմում են ներկայացրել
ՌԴ-ից հայազգի ուսուցչուհին՝ Global Teacher Prize-ի լավագույնների ցանկում
Հասարակություն
05.04.2020 | 18:59
ՌԴ Կրասնոյարսկի երկրամասի Աչինսկ քաղաքի դպրոցներից մեկի անգլերենի հայազգի ուսուցչուհի Լուսինե Ջhանգիրյանը ներառվել է աշխարհի 50 լավագույն ուսուցիչների ցանկում՝ Global Teacher Prize-ի վարկանիշով: Այս մասին գրում է Rusarminfo-ն:
Ջhանգիրյանին ընտրել են աշխարհի 140 երկրներ ներկայացնող 12 հազար թեկնածուներից: Հաղթելու դեպքում նա 1 միլիոն դոլար պարգև կստանա։
Մանկավարժական գործունեության ընթացքում ուսուցչուհին նորարարական մեթոդներ է օգտագործում. նա աշակերտներին թույլատրվում է օգտագործել բջջային հեռախոսներ, օգտվել տարբեր հավելվածներից, դասի ընթացում տեղաշարժել սեղաններն ու բարձրաձայն խոսել:
«Չեմ ուզում ձանձրալի, միօրինակ ուսուցիչ լինել: Դասերի ընթացքում տեսնում եմ, որ երեխաներին իմ մոտեցումը շատ է դուր գալիս, նրանց աչքերը վառվում են: Մեր ժամանակներում նման հնարավորություններ չկային: Հիմա էլ՝ տեխնոլոգիական դարում, ոչ բոլոր մանկավարժներն են նման բան անում, քանի որ ամբողջ ազատ ժամանակդ դրա վրա ես ծախսում»,- ասել է Ջհանգիրյանը:
Լուսինե Ջահանգիրյանը նաև սեփական նախագիծն ունի, որը միավորում է աշխարհի տարբեր երկրների մանկավարժներին։ Չորս տարի առաջ նա «Նորարար ուսուցիչ» միջազգային մրցանակի է արժանացել:
Global Teacher Prize-ն ամեն տարի շնորհվում է այն ուսուցիչին, որը նշանակալի ներդրում է ունեցել իր մասնագիտության մեջ: 2020 թվականի մրցանակաբաշխությունը նախանշված է հոկտեմբերին:
