01.11.2024 | 23:19
Հրդեհ Գյումրու տներից մեկում
257 կազմակերպությունում մշտադիտարկում է կատարվել, 38-ում դադարեցվել է աշխատանքը․ ԱԱՏՄ ղեկավար. ՏԵՍԱՆՅՈՒԹ
Հասարակություն
03.04.2020 | 16:30
Առողջապահական և աշխատանքի տեսչական մարմնի ղեկավար Հակոբ Ավագյանը հրավիրված մամուլի ասուլիսի ժամանակ անդրադարձավ տնտեսվարողների շրջանում իրականացված մշտադիտարկումներին:
«Ինչպես գիտեք պարետի որոշմամբ մարտի 24-ից սկսած տեսչական մարմինը սկսեց մշտադիտարկում իրականացնել այն կազմակերպություններում, որտեղ գործունեությունն արտակարգ դրության ժամանակ թույլատրված էր, որպեսզի պահպանվեն պարետի կողմից հաստատված ուղեցույցով նշված կանոնները: Մարտի 24-ից մինչև այսօր առավոտվա տվյալներով՝ 257 կազմակերպությունում իրականացվել են մշտադիտարկումներ: Խախտումների դեպքում պարետատան կողմից որոշում է կայացվում ժամանակ առ ժամանակ այդ կազմակերպություններում գործունեությունը 6 ժամով դադարեցում, որից հետո ևս անցկացվում է մշտադիտարկում՝ պարզելու համար, թե դադարեցումից հետո արդյոք շտկվել են խախտումները: 257 կազմակերպություններում և իրենց մասնաճյուղերում անցկացված մշտադիտարկումներով 38 կազմակերպություններում և իրենց մասնաճյուղերում դադարեցվել է գործունեությունը 6 ժամով: Մշտադիտարկում է իրականացվել մինչև կանոնավոր ուղևորափոխադրումների դադարեցումը տրանսպորտային կազմակերպություններում, պարզելու, թե արդյոք ախտահանում իրականացվում է: 64 կամակերպությունից 2-ում են խախտում արձնագրվել և տրված նախազգուշական նամակից հետո հաջորդ օրը կարգի էր բերվել»,- ասաց նա:
Մանրամասները՝ տեսանյութում։
Լիլիթ Շաբոյան
