01.10.2026 | 12:57
Նոր Արտագերսում առանց թույլտվության ավազ են արդյունահանել․ պետությանը պատճառված վնասից 25.7 մլն դրամը վերականգնվել է
Շախմատի հավակնորդների մրցաշարը կկայանա 2020 թվականին
26.03.2020 | 22:35
Շախմատի հավակնորդների մրցաշարը և աշխարհի չեմպիոնի մրցախաղաը կկայանա այս տարի` 2020 թվականին. այս մասին հայտարարել է ՖԻԴԵ-ի նախագահ Արկադի Դվորկովիչը:
Կորոնավիրուսի պանդեմիայի պատճառով մարտի 26-ին հավակնորդների մրցաշարը դադարեցվել է: Ըստ Դվորկովիչի՝ այն կվերսկսվի, երբ պանդեմիայի պատճառով ստեղծված իրավիճակում փոփոխություն լինի: ՖԻԴԵ-ի նախագահը շեշտել է նաև, որ աշխարհի չեմպիոնի մրցախաղը ևս կկայանա նախապես պլանավորված ժամկետներում:
Հավակնորդների մրցաշարում անցկացվել է 7 տուր: Մրցաշարային աղյուսակում երկիշխանություն է: Յան Նեպոմնյաշչին և Մաքսիմ Վաշիե-Լագրավն ունեն 4,5-ական միավոր:
Մրցաշարին մասնակցում է 8 շախմատիստ՝ Ֆաբիանո Կարուանան, Դին Լիժենը, Անիշ Գիրին, Ալեքսանդր Գրիշչուկը, Յան Նեպոմնյաշչին, Կիրիլ Ալեքսեենկոն, Վան Հաոն և Մաքսիմ Վաշիե-Լագրավը: Կորոնավիրուսային իրավիճակից ելնելով՝ մրցաշարի մասնակցությունից հրաժարվել է աշխարհի գավաթակիր Թեյմուր Ռաջաբովը, որը ՖԻԴԵ-ին խնդրել էր հետաձգել մրցաշարը: Նրա փոխարեն մրցաշարում ընդգրկվել է Վաշիե-Լագրավը:
