14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Դատավորի նկատմամբ կարգապահական վարույթ հարուցելու մեխանիզմներն արդյունավետ չեն․ՄԻՊ. ՏԵՍԱՆՅՈՒԹ
Հասարակություն
25.02.2020 | 13:08
Ներկայում դատավորների նկատմամբ կիրառվող կարգապահական միջոցներն անարդյունավետ են: Այս մասին Դատական օրենսգրքում և կից օրենքներում փոփոխություններին նվիրված խորհրդարանական լսումների ժամանակ ասաց ՄԻՊ Արման Թաթոյանը:
Նրա խոսքով՝ թերի է նաև դատավորներին կարգապահական պատասխանատվության ենթարկելու կարգը: Մասնավորապես, գործող կանոնակարգերի համաձայն, դատավորները չեն կարող բողոքարկել Գերագույն դատական խորհրդի որոշումներն իրենց պատասխանատվության ենթարկելու վերաբերյալ, ինչը ինքնին դատավորների իրավունքների խախտում է:
Խնդրահարույց է մնում նաև երկրի դատարաններում գործերը քննելու համար քաղաքացիների սահմանադրական իրավունքի հարցը: Այս գործերից որոշները տարիներ են տևում, ինչը երկրի Հիմնական օրենքի պահանջների խախտում է:
«Որոշ դեպքերում վերանայումը տևում է 8 կամ ավելի տարի, և դրանց վերջը չի երևում: Հաճախ դատական գործերի քննությունն իրականացվում է 4-6 ամիսը մեկ, ինչը պարզապես անընդունելի է: Միայն Երևանի դատարաններում քննվում է 155 քրեական և 1.628 քաղաքացիական գործ, որոնց մեծ մասը շրջանառության մեջ է 2 կամ ավելի տարի: 1.122 գործ գտնվում է 7 դատավորի քննության տակ, ինչը վկայում է դատարանների ծանրաբեռնվածության մասին»,- նշեց Թաթոյանը:
Նա շեշտեց, որ այս և այլ հարցեր պետք է նախատեսվեն Քրեական օրենսգրքի նոր խմբագրությամբ՝ սահմանադրական հնարավոր թյուրիմացություններից խուսափելու համար:
Մանրամասները՝ տեսանյութում:
