14.12.2024 | 13:33
Առողջության համապարփակ ապահովագրությունը ներդրվելու է․ Անահիտ Ավանեսյան
Արթուր Բաղդասարյանին պաշտոնանկ անելու որոշումը կայացված է
Քաղաքականություն
18.02.2020 | 12:14
Բանակում տիրող իրավիճակի և երեկ մամուլում հայտնված սկանդալային բացահայտումներից հետո մեր տեղեկություններով որոշվել է Ռազմական ոստիկանության պետ Արթուր Բաղդասարյանին պաշտոնանկ անել։ Այսօր կամ վաղը համապատասխան առաջարկ կարվի ՀՀ նախագահին։
Հիշեցնենք, որ քիչ առաջ Արթուր Բաղդասարյանը մեզ հետ զրույցում հրաժարվել էր մեկնաբանել այս տեղեկությունը:
ՌՈ պետին վարչապետի առաջարկությամբ նշանակում կամ պաշտոնանկ է անում հանրապետության նախագահը: Նախագահի աշխատակազմից մեզ փոխանցեցին, որ այս պահին դեռ պաշտոնակության առաջարկ չեն ստացել:
Հիշեցնենք, որ Factor.am-ը դեռ երկու տարի առաջ գրել էր Արթուր Բաղդասարյանի խնդրահարույց գործունեության մասին․ մասնավորապես գրել էինք, որ ՀՀ ՊՆ Ռազմական ոստիկանության տարածքում ավտոլվացման կետ է գործում, որը, ըստ մեզ դիմած ՌՈ աշխատակիցների, ապօրինի է, և ծառայության համար գանձվող գումարներն էլ բաժին են հասնում Ռազմական ոստիկանության պետ Արթուր Բաղդասարյանին:
