20.01.2026 | 22:24
Թուրքիայի քրդամետ կուսակցությունը հայտարարում է Սիրիայում քրդերի դեմ ցեղասպանության մասին՝ մեղադրելով Անկարային
ԱՄՆ-ն հայտարարել է իրանցի գեներալի սպանության մասին. Իրանը խոստացել է վրեժ լուծել
Քաղաքականություն
03.01.2020 | 12:31
Իրանի արտաքին գործերի նախարար Մոհամադ Ջավադ Զարիֆը «ԱՄՆ-ի կողմից միջազգային ահաբեկչության ակտ» է անվանել «Ալ Կուդս» ջոկատների հրամանատար, գեներալ Ղասեմ Սուլեյմանիի սպանությունը: Ինչպես տեղեկացում է ՏԱՍՍ-ը, այս մասին Twitter-ի իր էջում գրել է Իրանի ԱԳ նախարարը։
«Միջազգային ահաբեկչության ակտ է ԱՄՆ-ի կողմից՝ ուղղված գեներալ Սուլեյմանիի «սպանությանը»։ «Իսլամական պետության», «Ջեբհաթ ան Նուսրայի», «Ալ Քաիդայի» ու մյուսների դեմ պայքարող ամենաարդյունավետ ուժի գեներալին սպանած ակտը չափազանց վտանգավոր է և հիմար էսկալացիա է»,- գրել է Զարիֆը։
Նախարարը նաև ընդգծել է, որ գեներալի սպանության բոլոր հետևանքների համար պատասխանատվություն է կրելու ԱՄՆ-ն։
РИА Новости-ի փոխանցմամբ՝ Իրանի Գերագույն առաջնորդ Ալի Խամենեին խոստացել է վրեժ լուծել։
Ավելի վաղ Պենտագոնը հաստատել էր, որ ուրբաթ հրթիռային հարված է հասցրել Բաղդադի օդանավակայանի շրջանում, ինչի հետևանքով սպանվել է «Իսլամական հեղափոխության պահակների կորպուսի» Քուդս» հատուկ ստորաբաժանման ղեկավար, գեներալ Ղասեմ Սուլեյմանին։ Ամերիկյան ռազմական գերատեսչության մամուլի ծառայությունը նաև տեղեկացրել էր, որ գործողությունն իրականացվել է ԱՄՆ նախագահ Դոնալդ Թրամփի կարգադրությամբ։
