21.06.2026 | 19:02
Ջեյ Դի Վենսը հայտնել է Իրանի հետ բանակցություններում առաջընթացի մասին
«Մեր Մանսուրյանը» համերգային ծրագիրը հնչել է Երևանի և Վանաձորի տարեցների խնամքի կենտրոնների բնակիչների համար
Հասարակություն
30.12.2019 | 18:44
Արամ Խաչատրյան համերգասրահում Հայաստանի պետական սիմֆոնիկ նվագախումբը՝ գեղարվեստական ղեկավար և գլխավոր դիրիժոր Սերգեյ Սմբատյանի ղեկավարությամբ ներկայացրեց «Մեր Մանսուրյանը» համերգային ծրագիրը։
ՀՀ փոխվարչապետ Տիգրան Ավինյանի նախաձեռնությամբ տոնական համերգային երեկոյին հրավիրվել էին «Վանաձորի տարեցների տուն» հիմնադրամի, «Երևանի N1 տուն-ինտերնատ» ՊՈԱԿ-ի և Նորքի տուն-ինտերնատի խնամքի ներքո գտնվող տատիկներն ու պապիկները։ Երեկոյի ընթացքում հնչեցին «Մենք ենք, մեր սարերը»‚ «Աշնան արև»‚ «Ճերմակ անուրջներ»‚ «Մեր մանկության տանգոն»‚ «Հին օրերի երգը»‚ «Գիքոր»‚ «Կտոր մը երկինք» և այլ ֆիլմերի մեղեդիները՝ սիմֆոնիկ նվագախմբի նոր գործիքավորմամբ։
Մաեստրո Տիգրան Մանսուրյանը նշում է‚ որ ֆիլմերի համար գրված իր երաժշտությունը լսելիս անցած տարիներն է հիշում‚ երբ ապրում էր այդ երաժշտությամբ‚ կինոյի‚ թատրոնի‚ արվեստի բնագավառի իր ընկերների հետ էր‚ որոնց հետ երկար տարիներ աշխատել է։ «Ես հուզվում եմ՝ այս ամենը տեսնելով ու լսելով։ Հուսով եմ՝ նաև ունկնդիրը նույն հուզմունքը կապրի՝ լսելով այս համերգային ծրագիրը։ Շատ ոգևորված եմ‚ որ այսօրվա համերգին ներկա են տարեց մարդիկ‚ և կարծում եմ՝ մենք՝ այս տարիքի մարդիկս‚ միմյանց ավելի լավ կհասկանանք։ Մաղթում եմ նրանց քաջառողջություն»‚- ասաց Տիգրան Մանսուրյանը։
