27.09.2026 | 13:23
ԱՄՆ մեկնել զբոսաշրջային վիզայով՝ ծննդաբերելու և երեխային քաղաքացիություն ապահովելու նպատակով, չի թույլատրվում․ դեսպանություն
Ես challenge եմ անում Մեհրիբանի Ալիևային ու Բաքվում հաստատ Կոմիտաս եմ լսելու. Նաիրա Զոհրաբյան
Քաղաքականություն
30.11.2019 | 15:44
Ազգային ժողովի «Բարգավաճ Հայաստան» խմբակցության պատգամավոր Նաիրա Զոհրաբյանը սոցցանցի իր էջում արված գրառմամբ տեղեկացրել է, որ մարտահրավեր է նետում Ադրբեջանի առաջին տիկին Մեհրիբան Ալիևային, որը հայտարարել էր, թե իր երազանքը Արցախում մուղամ լսելն է: Տիկին Զոհրաբյանը խոստացել է Ալիևի տիկնոջը, որ նա Արցախում հաստատ մուղամ չի լսի, իսկ այ ինքը Բաքվում Կոմիտաս լսել ու լսելու է:
«Ադրբեջանի փոխնախագահ, Իլհամի կին Մեհրիբան Ալիևան խոսել է իր երազանքի մասին ու էդ երազանքը, պարզվում է, Արցախում մուղամ լսելն է: Իհարկե, մեր արտաքին գերատեսչությունը ինչ-որ մի մակարդակով պիտի պատասխաներ Մեհրիբան խանումին, ով շարքային ադրբեջանցի «կնիկ» չէ, ում սիրտը Ղարաբաղում մուղամ լսել է ուզում, այլ այդ երկրի փոխնախագահն ու նախագահի ամենահավանական թեկնածուն:
Բայց քանի որ այս բաջին հատկապես վերջին շրջանում անցնում է քաղաքական, դիվանագիտական կոռեկտության բոլոր սահմանները, ես challenge , մարտահրավեր եմ նետում Ադրբեջանի փոխնախագահին ու վստահ ասում եմ` ինքը Արցախում հաստատ մուղամ չի լսի, բայց ես խոստանում եմ Բաքվում Կոմիտաս լսել ու լսելու եմ»,- գրել է ԱԺ պատգամավորը:
