27.09.2026 | 11:23
Ռուբեն Վարդանյանի գերության 3 տարին․ ձերբակալություն, դատավարություն, դատավճիռ
Այս որոշումը երկար տարիներ հասունացել էր․ Փաշինյանը՝ ԱՄՆ Ներկայացուցիչների պալատի ընդունած բանաձևի մասին. ՏԵՍԱՆՅՈՒԹ
Քաղաքականություն
31.10.2019 | 11:18
Ես կարծում եմ, որ սա շատ կարևոր իրադարձություն է Հայոց ցեղասպանության միջազգային ճանաչման գործում և, անշուշտ, նոր թափ կհաղորդի այդ գործընթացին: Կառավարության այսօրվա նիստի մեկնարկին անդրադառնալով ԱՄՆ Կոնգրեսի Ներկայացուցիչների պալատի կողմից Հայոց ցեղասպանությունը ճանաչող բանաձևի ընդունմանը՝ ասաց ՀՀ վարչապետ Նիկոլ Փաշինյանը:
«Ուզում եմ այս կապակցությամբ իմ գնահատանքի խոսքերն ասել սփյուռքում, տվյալ դեպքում՝ ԱՄՆ-ում գործող հայկական կազմակերպություններին, որոնք տասնյակ տարիներ հետևողականորեն աշխատել են Ցեղասպանության ճանաչմանը հասնելու համար ԱՄՆ-ում և տարբեր երկրներում»,- ասաց վարչապետը:
Նրա խոսքով՝ այս որոշումը երկար տարիներ հասունացել էր, որովհետև ԱՄՆ-ի գրեթե բոլոր նահանգներն արդեն իսկ նահանգային մակարդակում ճանաչել էին Հայոց ցեղասպանությունը, և սա դարձավ այդ գործընթացի գագաթնակետը:
Մանրամասները՝ տեսանյութում:
