17.11.2024 | 15:32
Աղվանի-Տաթև ավտոճանապարհին բեռնատարները մերկասառույցի պատճառով չեն կարողացել շարունակել ընթացքը
«Եթե օրենքը թույլ է տալիս, ինչո՞ւ բժիշկները ցավազրկման համար մորֆի չեն նշանակում»․ իրավաբան. ՏԵՍԱՆՅՈՒԹ
Հասարակություն
24.10.2019 | 15:49
Կատարվել են օրենսդրական բարեփոխումներ, ընդունվել են իրավական ակտեր, հրամաններ, որոշումներ, սակայն իրավակիրառ պրակտիկայում, գրեթե, փոփոխություններ չեն կատարվել։ Բավարար են այդ բոլոր իրավական ակտերը, կարող ենք դա արձանագրել, սակայն պրակտիկան ցույց է տալիս, որ ոչ մասնագետների շրջանում բազմաթիվ խնդիրներ են առաջացնում կապված ցավամոքման նպատակով ափիոնների, ցավազրկողների նշանակման և դուրսգրման հետ. այս մասին լրագրողների հետ զրույցում ասաց իրավաբան Վաղինակ Տեր-Հովհաննիսյանը։
«Արդեն 3 տարի է՝ իրականացնում ենք հանրային իրազեկման աշխատանքներ, մենք մոնիթորինգային այցելություններ ենք կատարում, բժիշկների համար վերապատրաստումներ, դասընթացներ ենք կազմակերպում, ինչպես նաև ծրագրի ընթացքում բաղադրիչ է կազմում թեժ գծերի ահազանգերը։ Այս ընացքում կատարված աշխատանքների ընթացքում պարզում ենք, որ առողջապահական համակարգի այս մասը դեռևս շարունակում է մնալ ճահճոտ վիճակում, որովհետև ցավամոքման ոլորտն՝ ափիոնային ցավազրկողների դուրսգրման և նշանակման ոլորտը, դեռևս անբավարար վիճակում է գտնվում»,- նշեց իրավաբանը։
Վերջինս հարց հնչեցրեց, եթե օրենքը թույլ է տալիս 10 օրվա համար նշանակել, ինչո՞ւ են բժիշկները նշանակում 4-5 օրվա համար։
«Եղել են բազմաթիվ դեպքեր, երբ հանգստյան օրերին՝ գիշերվա ժամերին, պացիենտը զանգում է և գանգատվում, որ իր դեղորայքը վերջացել է։ 1-2 անգամ շտապօգնության կանչ գրանցվի, իսկ մնացած դեպքե՞րը։ Սա լուրջ բացթողում է»,- ասաց Վաղինակ Տեր-Հովհաննիսյանը։
Մանրամասները՝ տեսանյութում։
