13.01.2026 | 23:28
ՆԳՆ շրջիկ սպասարկման գրասենյակները ծառայություններ կմատուցեն Գեղարքունիքի և Վայոց ձորի մարզերում
«Արդարացումը, թե նախարարների բարձրացած աշխատավարձը հայտարարագրերից կերևար, շատ թույլ էր». Վարուժան Հոկտանյան. ՏԵՍԱՆՅՈՒԹ
Հասարակություն
24.10.2019 | 12:44
Երեկ վարչապետը տվեց բացատրություններ, որոնք, անկեղծ ասած, ինձ որևէ ձևով չհամոզեցին։ Ես այստեղ կոռուպցիոն լրացուցիչ ռիսկ չեմ տեսնում։ Այնպես չէ, որ եթե գաղտնի եղավ, կոռուպցիոն ռիսկերը կամ կոռուպցիայի դրսևորումներն ավելացան։ Այս մասին լրագրողների հետ զրույցում ասաց «Թրանսփարենսի Ինթերնեյշնլ» հակակոռուպցիոն կենտրոնի ծրագրերի համակարգող Վարուժան Հոկտանյանն՝ անդրադառնալով նախարարների աշխատավարձերի բարձրացման հարցին։
«Այսինքն՝ այդ նախարարները, եթե կոռուպցիայի մեջ ներքաշված են, դժվար թե դա ավելի վատացնի իրավիճակը, ընդհակառակը՝ ես միշտ ասել եմ, որ պետական պաշտոնյաները, հանրային ծառայողները պետք է արժանավայել աշխատավարձեր ստանան։ Այն երկրներում, որտեղ հաջողություն է եղել հակակոռուպցիոն պայքարներում, հանրային ծառայողները նորմալ աշխատավարձով են ապահովվել։ Սա բավարար պայման է, բայց եթե չկան կոռուպցիայի լուրջ վերահսկողական մեխանիզմներ, խնդիրը չի լուծվի»,- ընդգծեց Հոկտանյանը։
Վերջինս նկատեց, որ կա հարցի երկրորդ ասպեկտը, թե որքանով է ճիշտ գաղտնի այդ ամեն անելը։
«Հիմա փորձում են արդարանալ, որ մեկ է՝ գաղտնի չի լինի, մյուս տարի մինչև մայիսի 31-ը, երբ նախարարները հայտարարագրերը ներկայացնեն, այդտեղից կերևար, բայց սա, կներեք, շատ թույլ բացատրություն է, շատ թույլ արդարացում է։ Սա խնդիր է»,- նշեց Վարուժան Հոկտանյանը։
Մանրամասները՝ տեսանյութում։
