23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Երկաթուղին 10 տոկոսով կբարձրացնի աշխատակիցների աշխատավարձը. Սուրեն Պապիկյան. ՏԵՍԱՆՅՈՒԹ
Հասարակություն
23.10.2019 | 18:04
ԱԺ-Կառավարություն հարցուպատասխանի ժամանակ «Իմ քայլը» խմբակցության պատգամավոր Նազելի Բաղդասարյանը տեղեկացրեց, որ Գյումրու լոկոմոտիվային դեպոյի աշխատակիցները գործադուլ են իրականացնում, և հարց հնչեցրեց՝ արդյոք վարչապետի ու «Ռուսական երկաթուղիներ» ԲԲԸ-ի գլխավոր տնօրեն Օլեգ Բելոզյորովի հանդիպման ժամանակ բարձրացվե՞լ է աշխատակիցների աշխատավարձերի բարձրացման հարցը։
Հարցին անդրադարձավ տարածքային կառավարման և ենթակառուցվածքների նախարար Սուրեն Պապիկյանը՝ նշելով, որ երկաթուղին 10 տոկոսով կբարձրացնի աշխատակիցների աշխատավարձը։
«Երեկ ուշ երեկոյան մեքենավարների հետ հանդիպում է ունեցել տրանսպորտի գծով իմ տեղակալը, իհարկե, խնդիրը Հարավկովկասյան երկաթուղու և աշխատողների միջև է, սակայն, բնականաբար, մենք չենք կարող նայել՝ ինչ է կատարվում ու ինչքան կտևի այդ գործադուլը։ Մենք, բնականաբար, խնդրի կարգավորմանն աջակցում ենք, բայց միևնույն ժամանակ պիտի նշեմ, որ սա պետք է կարգավորվի երկու կողմի փոխհամաձայնությամբ։ Վաղը պատրաստվում եմ հանդիպել գործադուլավորների հետ։ Հարավկովկասյան երկաթուղու գործընկերները պատրաստակամություն են հայտնել 10 տոկոսով բարձրացնել աշխատավարձը։ Հիմա պետք է քննարկենք աշխատողների հետ, հասկանանք՝ ի՞նչ լուծում կարող ենք գտնել»,- ասաց նա։
Պապիկյանը նշեց, որ ինքը նոյեմբերի 6-ին մեկնելու է Մոսկվա, հանդիպում է ունենալու Բելոզյորովի հետ, քննարկելու են երկաթուղու զարգացման մի շարք ուղղություններ։
Մանրամասները՝ տեսանյութում։
