Ես միշտ էլ լավ եմ աշխատել. Արայիկ Հարությունյանը՝ աշխատավարձի բարձրացման մասին. ՏԵՍԱՆՅՈՒԹ

Կրթության, գիտության, սպորտի և մշակույթի նախարար Արայիկ Հարությունյանը վարչապետի գաղտնի հանձնարարականով նախարարների, փոխնախարարների աշխատավարձերի բարձացման մեջ որևէ խնդիր չի տեսնում։ Նա ԱԺ-ում լրագրողների հետ զրույցում նշեց, որ դա պարզապես կառավարության աշխատանքային ընթացակարգ է։

«Հարգելիներս, մենք ամեն տարի մարտին տալիս ենք հաշվետվություն, և տվյալ տարվա ընթացքում մեր ստացած եկամուտները հրապարակում ենք, ի՞նչն է թաքուն»,- ասաց նա՝ շեշտելով, որ հանրությունից ինչ-որ բան թաքցնելու խնդիր չկա:

Հարցին՝ նորմա՞լ է, որ ամեն ամիս պարգևավճար են ստանում, բայց հանրությունը դրա մասին չի իմանում, նա պատասխանեց. «Այդ տրամաբանությամբ ամեն ամիս մենք պետք է հրապարակենք, թե տվյալ ամիս ինչքան աշխատավարձ ենք ստացել, ամեն ամիս հրապարակենք, թե, օրինակ, գործողումից որքան գումար ենք ստացել և այլ»։

Նախարարը չի կարծում, որ հանրությունից որևէ բան գաղտնի կմնա, քանի որ, ըստ նրա, բացի հաշվետվություններից՝ նաև կան բազմաթիվ լրատվամիջոցներ, որոնք հետևում են պաշտոնյաների ամենի մի լումային։ Պատասխանելով հարցին, թե իր աշխատանքում ի՞նչն է փոխվել ամեն ամիս պարգևավճար ստանալուց հետո, Արայիկ Հարությունյանն ասաց. «Իմ ելույթներից կարող եք լսել, որ բարձրաստիճան պաշտոնյաները պետք է բարձր աշխատավարձ ստանան։ Սա արդյունավետ աշխատանքի գրավականն է, ինչը կհանգեցնի նրան, որ մյուս ոլորտներում էլ լինել առաջընթացներ, կավելանան եկամուտները, կբարձրանան թոշակները, այսինքն՝ այն, ինչ տեսել ենք այս ամիսիների ըթացքում»։

Հարցին՝ պարգևավճար ստանալուց հետո ավելի լա՞վ է աշխատում, Արայիկ Հարությունյանը պատասխանեց. «Ես միշտ եմ լավ աշխատում»։

Մանրամասները՝ տեսանյութում:

Նարեկ Կիրակոսյան