06.06.2026 | 01:06
«Ուժեղ Հայաստանի» մասնակցությունը կվիճարկվի՞ Վարչական դատարանում, թե՞ ոչ․ «Հանրապետության» անդամը՝ իրենց որոշման մասին
Համահայկական հիմնադրամի կողմից Տորոնտոյում կազմակերպված գալա–ճաշկերույթին հավաքագրվել է 670.000 ԱՄՆ դոլար
23.10.2019 | 13:22
«Հայաստան» համահայկական հիմնադրամի 27–րդ հոբելյանին նվիրված՝ Կանադայի Տորոնտո քաղաքում հոկտեմբերի 20–ին կազմակերպվել է տարեկան գալա–ճաշկերույթ, որի ընթացքում հավաքագրվել է 670.000 ԱՄՆ դոլար:
Այս մասին «Արցախպրես»-ի թղթակցի հետ զրույցում ասել է «Հայաստան» համահայկական հիմնադրամի մամուլի խոսնակ Արմինե Թոխմախյանը և ավելացրել, որ գալա-ճաշկերույթով ազդարարվել է հիմնադրամի 95–րդ ծրագրի մեկնարկը: «Հավաքագրված գումարը սպասվածից շատ էր, և արդյունքում կիրականացվի 2 ծրագիր՝ հասցվելով հիմնադրամի կողմից իրականացվող ծրագրերի ընդհանուր թիվը 97-ի:
Ճաշկերույթի ընթացքում Տորոնտոյի «Հայաստան» հիմնադրամի ատենապետ Մկրտիչ Մկչտիչյանը ներկայացրել է վերջին տարիներին իրականացված ծրագրերը, ինչպես նաև ընթացիկ ծրագրերը, այդ թվում՝ Նալբանդյան գյուղում բուժկետի և 14 բնակելի տան, ինչպես նաև Ուղտասարում ջրամատակարարման նոր ցանցի կառուցումը»,- նշել է Ա. Թոխմախյանը:
Նրա խոսքով՝ ճաշկերույթից ստացված հասույթը կուղղվի Ասկերանի շրջանի Պատարա գյուղում նոր դպրոցի կառուցմանը, Շուշիի Դանիել Ղազարյանի անվան երաժշտական դպրոցի վերանորոգմանը և բազմազավակ ու կարիքավոր ընտանիքի համար նոր տան կառուցմանը:
