06.06.2026 | 01:06
«Ուժեղ Հայաստանի» մասնակցությունը կվիճարկվի՞ Վարչական դատարանում, թե՞ ոչ․ «Հանրապետության» անդամը՝ իրենց որոշման մասին
Այս տարի գրանցվել է 2954 ՃՏՊ, որի հետևանքով կա 220 զոհ և 4253 վիրավոր. Էնֆիաջյանը նախագիծ ներկայացրեց. ՏԵՍԱՆՅՈՒԹ
Հասարակություն
22.10.2019 | 11:30
Վարչական իրավախախտումների վերաբերյալ օրենքում փոփոխություններ կատարելու մասին հարցի հետ կապված մեր խմբակցության ներկայացուցիչներով բազմիցս մեր մտահոգություններն ենք հայտնել և գտնում ենք, որ կանխարգելող միջոցառումներ պետք է իրականացվեն։ Այս մասին ԱԺ-ում իր ելույթի ժամանակ ասաց ԱԺ «Բարգավաճ Հայաստան» խմբակցության պատգամավոր Վահե Էնֆիաջյանը։
«Որպես օրենսդիր մարմնի ներկայացուցիչներ՝ մենք չենք կարող անտարբեր մնալ այն վիճակագրությանը, որը կներկայացնեմ ձեզ և կհրապարակեմ։ Ձեզ եմ ներկայացնում Ճանապարհային ոստիկանության ծառայության կողմից իմ հարցմանը ներկայացված վիճակագրական տվյալները։ Ներկայացնեմ վերջին 2 տարիների տվյալները․ 2018 թվականի ընթացքում գրանցվել է 2539 ՃՏՊ, որի հետևանքով զոհվել է 217 անձ և 3741 անձ մարմնական տարբեր վնասվածքներ է ստացել։ 2019 թվականից մինչ այս ժամանակահատվածն ունեցել ենք 2954 ճանապարհատրանսպորտային պատահար, որի հետևանքով զոհվել է 220 անձ և 4253 անձ ստացել է վնասվածքներ»,- ներկայացրեց պատգամավորը։
Վահե Էնֆիաջյանը, ամփոփելով ներկայացված տվյալները, նշեց, որ կանխարգելող գործընթացներ պետք է տեղի ունենան, և էական զսպող մեխանիզմներ պետք է ունենանք։ «Ուսումնասիրել ենք միջազգային, ինչպես նաև ԵՏՄ փորձը և գտնում ենք, որ այս նախաձեռնությունը լավագույնս կարող է ամփոփել իրավիճակը»,- նշեց ԲՀԿ խմբակցության պատգամավորը։
Մանրամասները՝ տեսանյութում։
