13.12.2024 | 20:29
Ադրբեջանի և ՆԱՏՕ-ի միջև ռազմական համագործակցության հարցեր են քննարկվել
Սարհատ Պետրոսյանի՝ աշխատանքից ազատման դիմումին կառավարությունը կանդրադառնա առաջիկա նիստի ժամանակ
21.10.2019 | 17:08
Կադաստրի պետական կոմիտեի ղեկավար Սարհատ Պետրոսյանի աշխատանքից ազատման դիմումին կառավարությունը կանդրադառնա առաջիկա նիստի ժամանակ։ Այս մասին Factor.am-ի հարցին ի պատասխան ասաց վարչապետի մամուլի խոսնակ Վլադիմիր Կարապետյանը։
Հիշեցնենք, որ Կադաստրի կոմիտեի ղեկավար Սարհատ Պետրոսյանը հոկտեմբերի 18-ին հրաժարականի դիմում էր ներկայացրել վարչապետ Նիկոլ Փաշինյանին:
Ֆեյսբուքում պաշտոնյան նշել էր, որ չի կիսում կառավարության քաղաքականությունը քաղաքաշինության բնագավառում: Սարհատ Պետրոսյանի խոսքով՝ կառավարման որոշակի մակարդակներում կոնկրետ ոլորտների զարգացման համընդհանուր տեսլական պետք է լինի, որը տվյալ դեպքում, չկա: Չնայած անշարժ գույքի շուկայում աննախադեպ ակտիվություն է, քաղաքաշինության ոլորտում հետընթաց կա՝ հանձինս քաղաքաշինության կոմիտեի ներկա և նախկին ղեկավարների քաղաքականություն հիշեցնող իներցիոն իմիտացիաների։
Սարհատ Պետրոսյանը նշել է, որ այլևս չի կարող հանդուրժել դիլետանտիզմն ու կոռումպացվածության հասնող թայֆայականությունը: Պարոն Պետրոսյանից իր հրաժարականի վերաբերյալ լրացուցիչ մեկնաբանություններ ստանալ մեզ առայժմ չի հաջողվել։
Նարեկ Կիրակոսյան
