14.05.2026 | 16:15
Իրանը և ԱՄԷ-ն վիճաբանել են ԲՐԻԿՍ-ի ԱԳ նախարարների հանդիպման ժամանակ
Nouvelles d’Arménie-ի վրա հարձակումն ահաբեկելու նպատակ ունի. CCAF
21.10.2019 | 11:35
Ֆրանսիայի հայկական կազմակերպությունները համակարգող խորհուրդը (CCAF) խստորեն դատապարտում է Nouvelles d’Arménie պարբերականի խմբագրությունում իրականացված կողոպուտը: Այս մասին ասված է CCAF-ի տարածած հայտարարությունում:
Դրա համաձայն՝ պարբերականի տնօրեն Արա Թորանյանը վերջին օրերին բավական ակտիվ էր՝ ի աջակցություն Սիրիայում թուրքական հարձակման զոհ դարձած քրդերի: Նա մասնակցել է նաև այդ խնդրով կազմակերպված հանդիպման և ցույցի:
Խմբագրությունը զբաղվում է Թուրքիայում ազատությունների պաշտպանությամբ, Հայոց ցեղասպանության ժխտման դատապարտմամբ, հայտնի է նաև Լեռնային Ղարաբաղի Հանրապետությանն աջակցությամբ:
CCAF-ի համանախագահներ Մուրադ Փափազյանը և Արա Թորանյանը սա որակում են հարձակում, որն իրականացվել է Փարիզում թուրքական ծառայությունների կողմից: Նրանց կարծիքով՝ այս հարձակումը ոչ միայն իրենց ապագա ծրագրերի մասին տեղեկություններ հավաքելու, այլև ահաբեկելու նպատակ ունի:
Factor.am-ի հետ զրույցում էլ CCAF-ի համանախագահ Մուրադ Փափազյանը նշեց, որ Nouvelles d’Arménie-ի խմբագրությունից համակարգիչներն են գողացել: Նա ևս մեկ անգամ համոզմունք հայտնեց, որ հանցագործությունը թուրքերն են կատարել: Իրավապահները, ըստ Փափազյանի, հետաքննում են կատարվածը:
