10.12.2025 | 13:24
Ուղիղ հարցրել եմ Հայկազ Բաղմանյանին` ինչո՞ւ եք սպանել իմ երեխուն․ Տիգրան Օհանջանյանի մայր․ ՏԵՍԱՆՅՈՒԹ
«Խոսքի ազատությունը ոչ մի դեպքում, ոչ մի միլիմետր չպետք է սահմանափակվի»․ Լենա Նազարյան. ՏԵՍԱՆՅՈՒԹ
Հասարակություն
18.10.2019 | 19:21
Շարունակելու ենք ջանքեր գործադրել՝ Ժուռնալիստիկայի ֆակուլտետի զարգացումն ու շարունակական արդիականացումն ապահովելու համար։ Այսօր Հայաստանում մեդիայի ազատությունը հարյուր տոկոսով ապահովված է։ Այս մասին այսօր ԵՊՀ Ժուռնալիստիկայի ֆակուլտետի 20-ամյակին նվիրված հանդիսավոր միջոցառման ժամանակ իր ելույթում նշեց ԱԺ փոխխոսնակ Լենա Նազարյանը։
«Չնայած ֆեյք լուրերին, իրադարձությունների միակողմանի մեկնաբանություններին, տեղեկությունների նենգափոխումներին ու զրպարտություններին, որոնք մի քանի ժամով հայտնվում են մեր էկրաններին և մեզ տանում ծուռ հայելիների աշխարհ, խոսքի ազատությունը ոչ մի դեպքում, ոչ մի միլիմետր չպետք է տուժի և սահմանափակվի։ Այն անվիճելի նվաճում է և անառարկելի արժեք։ Այն պաշտպանում է ոչ միայն քաղաքացիներին, այլ նաև կառավարություններին։ Ես դա ասում եմ որպես կառավարող ուժի ներկայացուցիչ։ Ժողովրդավար, չկոռումպացված, հաշվետու կառավարությունների համար խոսքի ազատությունը և՛ արժեք է, և ՛ կեղծիքից ու ստից պաշտպանվելու միջոց»,- ասաց Լենա Նազարյանը։
ԱԺ փոխնախագահը, որը, ի դեպ, ԵՊՀ Ժուռնալիստիկայի ֆակուլտետի 2007 թվականի շրջանավարտ է, անդրադարձավ ժամանակակից մեդիայի խնդիրներին. «Այսօր նույնիսկ հասուն ժողովրդավարություն ունեցող երկրներում հակաժողովրդավար ուժերը կիրառում են մեդիագործիքներ՝ ֆեյք լուրեր, ապատեղեկատվություն, ատելության կամ բռնության քարոզ՝ ավտորիտար առաջնորդների պաշտամունք ստեղծելու, հակաժողովրդավարական օրակարգեր և գաղափարներ տարածելու համար։ Հենց այդ պատճառով է, որ որոնվում են մեխանիզմներ՝ պաշտպանվելու ժամանակակից մեդիայի մանիպուլացնող ազդեցությունից»։
Մանրամասները՝ տեսանյութում։
Նելլի Մելքոնյան
