11.12.2025 | 18:35
ՊԵԿ փոխնախագահը 10 անշարժ գույք է հայտարարագրել, որից 8-ը՝ նվիրատվություն
Պետք է կարողանանք բոլորի հետ աշխատել. որ ամեն բողոքից կաֆե, ռեստորան փակենք, չի լինի. Վիկտոր Մնացականյան. ՏԵՍԱՆՅՈՒԹ
Տնտեսություն
17.10.2019 | 19:49
Factor.am-ի հարցազրույցը Երևանի Կենտրոն վարչական շրջանի ղեկավար Վիկտոր Մնացականյանի հետ
-Պարո՛ն Մնացականյան, Երևանի ավագանու նիստում ավագանու անդամներից Լևոն Զաքարյանը խոսեց ռեստորաններից մեկի ծխնելույզի պատճառով բռնկված հրդեհի մասին և ասաց, որ քաղաքացիները դժգոհում են, ուզում են հանել այն: Ի՞նչ եք պատրաստվում անել՝ հարցին լուծում տալու համար։
-Ի՞նչն էր այդտեղ խնդիրը: Ես չցանկացա ավագանու նիստին շատ ծանրաբեռնել, բայց ո՞րն է հարցը: Այդ ռեստորանում կար և՛ բաց մանղալով պատրաստման ձևը, և՛ փակ: Եղել է երկու սխալ. այդ երկու ծխնելույզները միացել են միմյանց, և բաց կրակի դեպքում բռնկվել է։ Երկրորդ սխալն էլ եղել է այն, որ դա բռնկվել է: Մենք մինչ այդ էլ ունեցել ենք բողոքներ մեր կաֆե-ռեստորանների հասցեին, այդ խնդիրը լուծվել է: Այստեղ կա այլ խնդիր, օրինակ, եթե Էրեբունիում կա մեկ բացօթյա սրճարան, Կենտրոնում՝ մի քանի հարյուր:
Այստեղ կա խնդիր՝ մենք ընդհանուր պետք է հասկանանք մի բան, որ եթե մենք ամեն մի բողոքից հետո փակենք կաֆեները, ռեստորանները, մեկ ամսից ոչ մի սրճարան չենք ունենա։ Մենք պետք է հասկանանք, որ սրճարանները մեր ինքնության հետաքրքրիր մասն են կազմում:
Մեզ մոտ առևտրի, սպասարկման և գովազդի բաժնում փոփոխություն ենք կատարել, գովազդի բաժնի աշխատանքը բաժանեցինք և ստեղծել ենք այսպիսի հաստիք՝ սերվիսի պատասխանատու, որը շրջում է հյուրանոցներով, սրճարաններով, ռեստորաններով և փորձում հասկանալ խնդիրները: Հաստիքները պետք է լրացնել ավելի պրոֆեսիոնալ կադրերով, մեզ մոտ, գիտեք, աշխատավարձերը ցածր են, բայց այդ հայրենասերների և պրոֆեսիոնալների միջոցով մենք մյուս տարի կունենանք տասնյակ, եթե ոչ՝ հարյուրով ավելի սրճարաններ:
– Ի՞նչ փուլում է Օպերային հարակից տարածքների սրճարանների ապամոնտաժման գործընթացը: Հայտարարվել էր, որ շարունակական են լինելու կանաչապատման աշխատանքները։
-Մենք առաջին փուլով, որ հայտարարել էինք, հինգ սրճարաններից երեքը ապամոնտաժել ենք, երկուսի դեպքում դատական գործընթաց է ընթանում: Ծրագիր կա Օպերայի բակի բարեկարգման, իսկ երբ այդ երկու սրճարաններն էլ ապամոնտաժվեն, նոր կարելի է խոսել ամբողջական կանաչապատման մասին։
Հարցազրույցն ամբողջությամբ՝ տեսանյութում։
Լիլիթ Շաբոյան
