02.07.2026 | 02:50
ԱԱ-2026. Բելգիան կամային հաղթանակ տարավ 0:2-ից հետո. ՏԵՍԱՆՅՈՒԹ
ԱՄՆ ՀԴԲ աշխատակիցների բացահայտումները խորհրդարանի ուսումնասիրության նյութ կդառնան․ Տիգրան Կարապետյան. ՏԵՍԱՆՅՈՒԹ
Տեսանյութեր
17.10.2019 | 13:26
«Իմ քայլը» խմբակցության պատգամավոր, ԱԺ պաշտպանության և անվտանգության հարցերի հանձնաժողովի անդամ Տիգրան Կարապետյանը նորմալ է գնահատում մամուլում տեղ գտած այն փաստը, որ ԱՄՆ Հետաքննությունների դաշնային բյուրոյի աշխատակիցները Հայաստանում հետաքննում են ԱՄՆ-ում մշտական բնակության մեկնած այն քաղաքացիների գործերը, որոնք Հայաստանից մեկնելուց հետո ԱՄՆ-ում թանկարժեք անշարժ գույք են ձեռք բերել կամ այդ երկրում ներդրումներ կատարել։
«ԱՄՆ արդարադատության համակարգը հաշվի առնելով, փողերի լվացման դեմ պայքարում ԱՄՆ գործողությունները հաշվի առնելով՝ որևէ արտառոց բան չեմ տեսնում»,- պարզաբանեց պատգամավորը։
Նա չի կարող ասել՝ օրինակա՞ն են ՀԴԲ աշխատակիցների գործողությունները Հայաստանում, եթե դրանք իսկապես առկա են, քանի որ միջպետական պայմանագրի մանրամասներին ծանոթ չէ։
«Սա մեզ որպես երկիր հետաքրքիր է, որովհետև մենք էլ հակառակ պրոցեսն ենք իրականացնում։ Մենք պետք է հասկանանք, թե մեր երկրի գումարները, «մաքուր» գումարները Հայաստանից ո՞ւր են արտահոսել, այս կոնտեքստում մենք նաև ԱՄՆ իշխանությունների հետ համագործակցելու լայն դաշտ ունենք»,- ասաց Կարապետյանը։
Նրա խոսքով՝ ԱՄՆ ՀԴԲ-ի աշխատակիցների բացահայտումները խորհրդարանի ուսումնասիրության նյութ կդառնան։
Մանրամասները՝ տեսանյութում:
