27.09.2026 | 10:55
Լոռու, Արմավիրի և Կոտայքի 4 համայնքներում ՏԻՄ ընտրություններ են․ ժամը 08։00-ին բացվել են բոլոր 14 տեղամասերը․ ԿԸՀ
Թուրքիայի ՊՆ-ի տվյալներով՝ Սիրիայի հյուսիսում 637 քուրդ զինյալ է սպանվել
Քաղաքականություն
16.10.2019 | 13:47
Թուրքիայի պաշտպանության նախարարությունը տեղեկություններ է հաղորդել Սիրիայի հյուսիսում՝ Եփրատից արևելք հատվածում, քրդերի դեմ Անկարայի նախաձեռնած «Խաղաղության ակունք» ռազմագործողության շրջանակներում քրդական կողմի զոհերի մասին. հաղորդում է ermenihaber-ը:
Ըստ թուրքական կողմի՝ Սիրիայի հյուսիսային քրդաբնակ շրջանները վերահսկող քրդական «Ժողովրդի ինքնապաշտպանության ուժերի» (YPG-ԺՊՈւ) զոհերի թիվը հասել է 637-ի: Թուրքիայի բանակի ու նրա հետ գործակցող զինված խմբավորումների կորուստների մասին տեղեկություններ չեն հաղորդվում:
Նշվում է նաև, որ թուրքական բանակը հոկտեմբերի 14-ի դրությամբ վերահսկողություն է հաստատել թուրք-սիրիական սահմանին մոտ գտնվող Թել Աբյադ ու Ռաս ալ-Այն քաղաքների վրա, ապա իր հետ գործակցող այժմ «Սիրիայի ազգային բանակ» անունը կրող նախկին «Սիրիայի ազատ բանակ» զինված խմբավորման ստորաբաժանումների հետ միասին շարժվել է դեպի Մանբիչ քաղաքի հարակից հատվածներ:
